InfoHub Logo

Astanadaǵy Spectrum International School mektebiniń túlegi Nıkolaı Soı álemdegi eń bedeldi bilim oshaqtarynyń biri – Tetr College of Business-ke qabyldandy. Bul kolejge túsý kórsetkishi 1%-dan az, ıaǵnı 90 myńnan astam ótinishten nebary 110 stýdent qabyldanady eken.

Bul týraly Infohub.kz aqparat agenttigi habarlaıdy.

Kásipkerlikke degen qulshynys

Nıkolaıdyń ózi moıyndaǵanyndaı, ol mektepte úzdik oqýshy bolmaǵan. Onyń aıtýynsha, Tetr College-ge túsýdegi basty faktor – onyń kásipkerlikke degen qyzyǵýshylyǵy men startaptar qurýǵa degen umtylysy bolǵan.

«Men eshqashan oqýǵa beıim bolǵan emespin. Meniń basty problemam – jalqaýlyq edi», – deıdi Nıkolaı. Ol óziniń oılaý qabileti men ıdeıalardy júzege asyrýǵa degen qulshynysy arqasynda oqýǵa túskenin atap ótti.

İrikteý prosesi jáne stıpendıa

Kolejge qabyldaý prosesi eki aıdan astam ýaqytqa sozyldy. Ol birneshe kezeńnen turdy: ótinish toltyrý, Tetr Trial synaǵynan ótý jáne bıznes salasyndaǵy ókilmen suhbattasý. Nátıjesinde, Nıkolaı tek qabyldanǵan joq, sonymen qatar 85 myń dollarlyq stıpendıaǵa da ıe boldy.

Álemdik deńgeıdegi bilim

Tetr College of Business – bul tórt jyl ishinde jeti túrli elde bilim alýǵa múmkindik beretin, bolashaq kásipkerlerge, kóshbasshylarǵa arnalǵan biregeı baǵdarlama usynady. Kolejdiń qabyldaý kórsetkishi óte tómen, keı jyldary 0,12% - 2,6% aralyǵynda bolǵan.

Nıkolaı óz tájirıbesi arqyly basqa oqýshylarǵa úlgi bolǵysy keledi. Ol akademıalyq kórsetkishter mańyzdy bolǵanymen, oılaý qabileti, kásipkerlikke daıyndyq sıaqty basqa da faktorlardyń róli zor ekenin aıtady.

Bolashaqta Nıkolaı qoǵamǵa paıda keltiretin, álemniń ózekti máselelerin sheshýge atsalysatyn kásipker bolýdy armandaıdy.