instagram.com/ttfrk/
Qazaqstandyq tenısshiler álemdik reıtıńte tarıhı jetistikten keıin joǵarylady
Qazaqstannyń erler quramasy ústel tenısinen ótken álem chempıonatyndaǵy tarıhı jetistiginen keıin halyqaralyq reıtıńte 7 satyǵa joǵarylady. Bul týraly Qazaqstan ústel tenısi federasıasy habarlady.
Halyqaralyq federasıa jarıalaǵan jańa reıtıńte Qytaı quramasy kósh bastap tur. Al Qazaqstannyń erler komandasy 25-shi orynnan 17-shi orynǵa kóterilse, áıelder komandasy 37-den 31-shi orynǵa jaıǵasty.
Bul jetistikke jetýge komandalyq álem chempıonatyndaǵy sátti óner kórsetý sebep boldy. Eki komanda da týrnırdiń pleı-off kezeńine shyǵa aldy. Erler quramasy 1/16 fınalda ıspanıalyqtardy jeńip, álemdik dodadaǵy óz rekordyn jańartty. Nátıjesinde, erler komandasy týrnırde 9-shy, al áıelder komandasy 17-shi oryndy ıelendi. Bul eki komanda úshin de tarıhtaǵy eń úzdik kórsetkish bolyp sanalady.
Qazaqstandyq pıng-pong juldyzy
Qazaqstan quramasynyń basty juldyzy – 29 jastaǵy Kırıll Gerasımenko. Ol 2024 jyly qatarynan úshinshi Olımpıada oıyndaryna qatysyp, 1/8 fınalǵa deıin jetip, el rekordyn ornatty. Kırıll Germanıada turyp, SV Werder Bremen klýbynda óner kórsetedi.
Buǵan deıin qazaqstandyq tenısshi Elena Rybakına reıtıńte Belarýs eliniń sportshysy Arına Sobolenkoǵa jaqyndaǵan bolatyn. Al Qazaqstannyń fýtbol quramasy FIFA reıtıńinde bir satyǵa joǵarylady.
-
Teper naslednıkı mogýt vybrat, kak polýchıt ostavshıesá sredstva po pensıonnomý anýıtetý: edınovremenno ılı ejemesáchno.
-
Kazakhstan's men's and women's table tennis teams have achieved significant jumps in the world rankings following their best-ever performances at the World Championships.
