tengrinews.kz
Qazaqstandyqtar banktegi aqshalary úshin syıaqy ala bastaıdy: 19 naýryzdan bastap ózgerister
19 naýryzdan bastap qazaqstandyqtarǵa aǵymdaǵy bank shottaryndaǵy aqshalary úshin jyldyq 1%-ǵa deıin syıaqy tólene bastaıdy. Bul týraly Tengrinews.kz tilshisi habarlaıdy.
Bul ózgeris «Bankter jáne bank qyzmeti týraly» zańǵa engizilgen túzetýlerge baılanysty bolyp otyr. Buǵan deıin, ıaǵnı 2019 jyldyń 1 qańtarynan bastap aǵymdaǵy shottardaǵy aqshaǵa syıaqy tóleýge tyıym salynǵan edi.
Bul qalaı jumys isteıdi?
Eger sizdiń shotyńyzda 100 myń teńge bolsa jáne syıaqy mólsherlemesi 1% bolsa, jyl sońynda shamamen 1 myń teńge syıaqy alasyz. Eger aqshany ýaqytsha alyp nemese qosyp otyrsańyz, syıaqy tek shotta bolǵan naqty somaǵa esepteledi.
Buǵan deıin mundaı praktıka 1999 jyldan beri qoldanylyp kelgen, biraq 2019 jyly azamattyq kodekstiń 751-babyna ózgeris engizilip, aǵymdaǵy shottardaǵy aqshaǵa syıaqy tólenbeıtini týraly norma qosylǵan bolatyn. Ulttyq bank bul shottardy kúndelikti operasıalar men esep aıyrysýlarǵa arnalǵan dep túsindirgen edi.
Aıta keteıik, 16 qańtarda Qasym-Jomart Toqaev bankter týraly jańa zańǵa jáne tıisti túzetýlerge qol qoıǵan bolatyn. Bul qujat bank operasıalarynyń jańa túrlerin engizip, bank qyzmetin baqylaýdy kúsheıtedi.
-
Almatyny japqan qatty qar jurtshylyqtyń áleýmettik jelidegi talqylaýyna aınaldy. Qala turǵyndary men qonaqtary qarly kóshelerdiń sýretterin bólisip, kúntizbede «39 aqpan» bolǵanyn, ıaǵnı qystyń tym uzaqqa sozylǵanyn aıtyp ázildesýde.
-
Kazakhstan's banking sector is set to reintroduce interest payments on current accounts, a move not seen in seven years, potentially benefiting account holders.
