Photo: Ayazhan (https://www.pexels.com/@ayazhan-3173683) / Pexels
Qazaqstandyqtar et jeýden bas tartýda: baǵa ósip, jalaqy óspeıtin zaman keldi
Qazaqstanda sıyr etin tutyný azaıyp, halyq odan bas tartýǵa májbúr bolyp otyr. Bul týraly mamandar aıtyp, naqty statısıkalyq derekterdi alǵa tartty.
Bul týraly Infohub.kz aqparat agenttigi habarlaıdy.
Et tutynýdyń azaıýy
Qazaqstan etiniń odaǵynyń tóraǵasy Maqsýt Baqtybaevtyń aıtýynsha, bes jyl buryn elimizde jylyna 500 myń tonna sıyr eti tutynylsa, qazir bul kórsetkish 400 myń tonnaǵa deıin tómendegen. Buǵan deıin ár qazaqstandyqqa jylyna 27-28 keli et tıse, endi bul kórsetkish 20 kelige deıin azaıǵan.
Baǵa men jalaqy arasyndaǵy alshaqtyq
Mamandar munyń basty sebebi – halyqtyń tabysynyń óspeı, azyq-túlik baǵasynyń sharyqtap ketýi dep otyr. Máselen, ettiń baǵasy 2,5 myń teńgeden 3, keıin 4 myń teńgege deıin qymbattaǵanda, jalaqysy óspegen adam burynǵydaı etti kóbirek satyp ala almaıdy.
«Sáıkesinshe, siz ne azyraq alasyz, ne arzanyraq et túrlerine nemese shujyqqa aýysasyz. Shyndyǵynda, solaı bolyp jatyr. Statısıka boıynsha, aq qus etiniń, ıaǵnı taýyq etiniń tutynýy jan basyna shaqqanda 10 kelige ósken. Mine, osylaısha almastyrý boldy», - dedi Maqsýt Baqtybaev TengeTalks arnasyna bergen suhbatynda.
Eksportqa ketken arzan et
Qyzyǵy sol, qazaqstandyq et shetelge arzan baǵamen satylýda. Ótken jyly elimiz sıyr etin ortasha eseppen bir kelisin 2 myń teńgeden eksportqa shyǵarǵan.
-
Qazgıdromet mamandary Astana men Almaty qalalaryndaǵy 20, 21 jáne 22 naýryz kúnderine arnalǵan aýa raıy boljamyn jarıalady.
-
Kazakhs are buying less beef due to a widening gap between rising food prices and stagnant wages, leading to a shift towards cheaper alternatives.
