depositphotos.com
Qazaqstandyqtar sapasyz ınternet úshin aqshalaryn qaıtaryp aldy
Jetisý oblysyndaǵy turǵyndar sapasyz ınternet qyzmetine qatysty shaǵymdaryn sotqa jetkizip, aqshalaryn qaıtaryp aldy. Sot sheshimimen on tutynýshyǵa barlyǵy 315 myń teńge óndirildi.
Bul týraly Ortalyq komýnıkasıalar qyzmetinde ótken brıfıńte Saýda jáne ıntegrasıa mınıstrliginiń Tutynýshylardyń quqyqtaryn qorǵaý komıtetiniń tóraǵasy Bolat Tanabergenov málimdedi.
«Jetisý oblystyq saýda jáne tutynýshylar quqyqtaryn qorǵaý departamenti 10 tutynýshynyń ınternet jáne baılanys qyzmetteri sapasyz kórsetilgeni úshin aqshalaı qarajatty óndirip alý maqsatynda Taldyqorǵan qalalyq sotyna talap-aryz berdi. Sottyń qaýlysymen on tutynýshyǵa 315 myń teńge qaıtarylýy mindetteldi», - dedi Tanabergenov.
Ol keıinnen qazaqstandyqtar aldymen ınternet provaıderine júgingenin, 40 kúnnen astam ýaqyt boıy sapaly baılanys bolmaǵanyn aıtqanyn naqtylady. Osydan keıin turǵyndar tutynýshylardy qorǵaý jónindegi aýmaqtyq departamentke shaǵymdanǵan.
«Kompanıa bul kúnderi baılanys qyzmetterin kórsetpegenin moıyndap, aqshany qaıtaryp berdi», - dep qosty Bolat Tanabergenov.
Buǵan deıin Májilis depýtaty Marat Bashımov úıindegi ınternettiń nasharlyǵyna shaǵymdanǵany habarlanǵan bolatyn. Ol bul máseleni QR Vıse-premeri, sıfrlyq damý, ınovasıalar jáne aeroǵarysh ónerkásibi mınıstri Jaslan Madıevke jetkizgen.
-
Belgili reseılik akter Aleksandr Mıhaılov beıbitshilikke shaqyryp, Reseı men Qazaqstannyń bolashaq ekonomıkalyq áleýeti týraly aıtty.
-
Residents in the Zhetysu region successfully sued their internet provider, securing refunds for poor service quality.
