InfoHub Logo

Elimizdiń keıbir azamattary Biryńǵaı jınaqtaýshy zeınetaqy qory (BJZQ) shottaryndaǵy aqshanyń azaıǵanyn, tipti «mınýs» kórsetkishin baıqaǵanyn aıtýda. Bul jaǵdaıǵa dollar baǵamynyń ózgerýi sebep boldy degen boljam bar. Tengrinews.kz tilshisi bul máselege qatysty BJZQ-nyń resmı jaýabyn aldy.

Bul týraly Infohub.kz aqparat agenttigi habarlaıdy.

Ne boldy?

Tutynýshylardyń biriniń aıtýynsha, aqpan aıynda onyń esepshotynda 59 myń teńgege jýyq ınvestısıalyq shyǵyn kórsetilgen. Ol muny dollar baǵamynyń tómendeýimen baılanystyryp, Ulttyq Banktiń tıimsiz quraldarǵa aqsha salyp, baǵam aıyrmasymen «oınap» otyrǵanyn meńzedi.

Anyqtama: BJZQ-nyń ınvestısıalyq shyǵyny – bul zeınetaqy aktıvteriniń naryqtyq qunynyń ýaqytsha tómendeýi. Bul jaǵdaıda ınvestısıalyq tabystyń somasy teris kórsetkishke ıe bolady.

Investısıalyq tabys degen ne?

Investısıalyq tabys – bul sizdiń zeınetaqy jarnalaryńyzdyń qorda turǵan kezde túsiretin paıdasy. Jumys istegen kezde jalaqynyń bir bóligi (ádette 10%) zeınetaqy qoryna aýdarylady. Bul aqsha qorda jatpaı, ınvestorlarǵa (Ulttyq Bank nemese basqarýshy kompanıalar) beriledi. Olar aqshany memlekettik oblıgasıalar, kompanıa aksıalary, bankter jáne basqa da qarjy quraldaryna salady. Eger bul ınvestısıalar tabys ákelse, onyń bir bóligi sizdiń zeınetaqy shotyńyzǵa esepteledi. Bul – ınvestısıalyq tabys.

Shottaǵy «mınýs» neden paıda bolýy múmkin?

BJZQ ókilderiniń túsindirýinshe, ınvestısıalyq tabys keıbir kezeńderde oń da, teris te bolýy múmkin. Muny valúta baǵamdarynyń ózgerýi men qarjy quraldarynyń (baǵaly qaǵazdar, oblıgasıalar) naryqtyq qunynyń ózgerýi anyqtaıdy.

«Máselen, teńgeniń álsireýi kezinde valútalyq aktıvter qaıta esepteý kezinde oń tabys beredi, jınaqtardyń jalpy somasyn arttyrady, al nyǵaıǵan kezde ýaqytsha tómendeýdi kórsetýi múmkin», - dep habarlady qor.

Sonymen qatar, qor 2025 jyly zeınetaqy aktıvteriniń kiristiligine teris áser etken negizgi sebepterdi atap ótti:

Bári onsha nashar emes

Qor zeınetaqy jınaqtaryn senimgerlik basqarýdyń negizgi maqsaty – uzaq merzimdi tabys alý úshin qarajatty ınvestısıalaý ekenin atap ótti. BJZQ baspasóz qyzmetiniń málimetinshe, jalpy ınvestısıalaý nátıjesi oń bolyp qala bermek.

«2025 jylǵy tabys oń boldy jáne 1,7 trıllıon teńgeni qurady. BJZQ zeınetaqy aktıvteriniń nomınaldy kiristiligi 2025 jyly 7,43 paıyzdy qurady», - dep atap ótti zeınetaqy qory.

Aqshanyń saqtalýyna qandaı kepildikter bar?

Qazaqstanda mindetti zeınetaqy jarnalarynyń ınflásıany eskere otyryp, saqtalýyna memlekettik kepildik berilgen. Azamat zeınetkerlikke shyqqanda, onyń jınaqtarynyń qorda turǵan ýaqyt ishinde qanshalyqty óskeni tekseriledi. Eger kiristilik ınflásıadan tómen bolsa, memleket búdjetten aıyrmany óteýge mindetti. Al kiristilik ınflásıaǵa teń nemese odan joǵary bolsa, ótemaqy tólenbeıdi.

«Bul salymshylardyń jınaqtary qarjy naryqtaryndaǵy jaǵdaılar men ınvestısıalyq tabysqa qaramastan, ınflásıadan senimdi qorǵalǵanyn bildiredi», - dep túsindirdi BJZQ.

Eger jınaqtardyń bir bóligi jeke ınvestısıalyq kompanıaǵa berilse, onda mınımaldy kiristilik deńgeıdi sol kompanıa qamtamasyz etýi tıis.

Esterińizge sala keteıik, Qazaqstanda zeınetaqy jınaqtaryn merziminen buryn alýdyń eń tómengi jetkiliktilik shegin arttyrýy múmkin. Bul týraly Ulttyq Bank tóraǵasy Tımýr Súleımenov málimdedi. Onyń aıtýynsha, bul shara azamattardyń zeınetkerlikke jetkilikti aqshasy qalýy jáne tólemderdiń laıyqty bolýy úshin qarastyrylýda.