InfoHub Logo

Qazaqstanǵa arktıkalyq sýyq kele jatyr. Aldaǵy kúnderi, 24, 25 jáne 26 aqpanda el aýmaǵynda temperatýra kúrt tómendep, keıbir aımaqtarda -40 gradýsqa deıin jetýi múmkin.

Bul týraly Infohub.kz aqparat agenttigi habarlaıdy.

Aıazdyń beti

«Qazgıdromettiń» habarlaýynsha, Qazaqstannyń basym bóligine soltústik-batystan sýyq antısıklon yqpal etedi. Bul jaýyn-shashynnyń toqtalýyna jáne temperatýranyń kúrt tómendeýine ákeledi.

«Tek ońtústik óńirlerde jańbyr túrinde, keıde qatty jaýyn-shashyn kútiledi. Sondaı-aq, jel kúsheıip, kóktaıǵaq pen tuman baıqalady», - dep málimdedi sınoptıkter.

Túngi ýaqytta elimizdiń batys oblystarynda aýa temperatýrasy 15-25 gradýs aıazdy qurasa, soltústik pen ortalyqta 28-37 gradýs aıazǵa deıin, shyǵysta 32-40 gradýs aıazǵa deıin, al ońtústikte 0-10 gradýs aıaz bolady dep boljanýda.

Aqpannyń tosyn syılary

Buǵan deıin sınoptıkter aqpan aıynda Qazaqstanda aýa raıy ádettegiden jylyraq bolatynyn, jaýyn-shashyn mólsheri qalypty bolatynyn habarlaǵan edi. Elimizdiń kóp bóliginde ortasha temperatýra klımattyq normadan 1-2 gradýsqa joǵary bolady dep kútilgen bolatyn.