InfoHub Logo

Qazaqstanda ınvestorlardyń quqyqtaryn qorǵaýdy kúsheıtýge baǵyttalǵan mańyzdy zańnamalyq ózgerister qabyldandy. Parlament Senatynyń depýtattary saılaý, prokýratýra jáne áleýmettik qamsyzdandyrý máseleleri boıynsha túzetýlerdi eki birdeı oqylymda maquldady. Bul jańalyq ınvestorlar úshin eleýli ózgerister ákeledi dep kútilýde.

Bul týraly Infohub.kz aqparat agenttigi habarlaıdy.

Prezıdent Jarlyǵyn júzege asyrý aıasynda birqatar zań aktilerine ózgerister engizildi. Olardyń negizgi maqsaty – ınvestorlardyń quqyqtaryn qorǵaýdy kúsheıtý, ınvestorlar quqyǵyn qorǵaý komıtetin qurý jáne memlekettik organdardyń ınvestısıalyq jobalardy súıemeldeýdegi úılestirýshiligin jetildirý.

Bas prokýror – Investısıalyq ombýdsmen

Jańa ereje boıynsha, Qazaqstan Respýblıkasynyń Bas prokýroryna ınvestorlardyń quqyqtary men zańdy múddelerin qorǵaý fýnksıasy bekitilip, Investısıalyq ombýdsmen ókilettigi beriledi. Bul sheshim ınvestorlardyń ózderin qaýipsiz sezinýine jáne bıznesti damytýǵa yqpal etedi.

Óńirlik deńgeıde ınvestorlardyń quqyqtaryn qorǵaýdy oblystyq jáne olarǵa teńestirilgen qalalardyń (Astana, respýblıkalyq mańyzy bar qalalar) prokýrorlary – ınvestısıalyq prokýrorlar júzege asyrady.

Aktıvterdi qaıtarý jáne baqylaý

Zańǵa sáıkes, aktıvterdi qaıtarý boıynsha ýákiletti organ bolyp Bas prokýratýra belgilendi. Bul organ bank qupıasy, saqtandyrý qupıasy, mıkrokredıt berý qupıasy jáne baǵaly qaǵazdar naryǵyndaǵy qupıany quraıtyn aqparattar men qujattardy suratýǵa quqyly tulǵalardyń tizimin naqtylaıdy. Sondaı-aq, aktıvterdiń zańdy shyǵý tegin anyqtaý maqsatynda tekserý taǵaıyndaýǵa ýákiletti tulǵalardyń aıasy da naqtylandy.

Budan bólek, zań boıynsha, qaıtarylǵan aktıvterdiń kólemi, ýákiletti organnyń kúmáni bar aktıvterdiń qunynan assa, ondaı kúmánder retteldi dep eseptelip, aktıvterdiń zańdylyǵy rastalǵandaı bolady.