InfoHub Logo

Jazǵy demalys maýsymy qarsańynda Qazaqstannyń týrısik oryndaryndaǵy ınfraqurylymnyń nasharlyǵy alańdaýshylyq týdyrýda. Týrızmdi damytý konsepsıasynda jaǵajaıdaǵy demalys basymdyqtardyń biri bolǵanymen, keıbir aımaqtar áli kúnge deıin týrıserdi laıyqty deńgeıde qabyldaı almaı otyr.

Bul týraly Infohub.kz aqparat agenttigi habarlaıdy.

Jaǵajaılardaǵy jaǵdaı qandaı?

Týrızmdi damytý mınıstri Erbol Myrzabosynovtyń aıtýynsha, keıbir óńirlerde jaǵajaı ınfraqurylymyn jaqsartý jumystary oń nátıje bergen. Mysaly, Qapshaǵaı sý qoımasynyń jaǵalaýyndaǵy komýnaldyq jaǵajaılar jańartylǵan. Alaıda, birqatar aımaqtarda bul máseleler áli kúnge deıin sheshimin tappaı keledi.

Alakól men Balqash: Komýnaldyq jaǵdaılarsyz demalys

Ásirese, Alakól kóli mańyndaǵy jaǵdaı kúrdeli. Jetisý oblysynda kól jaǵalaýyn bekitý jumystary júrgizilgenimen, qarjynyń jetispeýshiliginen jumystar baıaý ilgerilep jatyr. Al Abaı oblysy jaǵynan Alakól jaǵalaýynda elektrmen jabdyqtaý, jaǵalaýdy bekitý, aınalma jol qurylysy, turmystyq qaldyqtar polıgony sıaqty mańyzdy ınfraqurylymdyq jobalar áli bastalmaǵan.

Qaraǵandy oblysynyń Toranǵul aýylynda da Balqash kóline keletin demalýshylar úshin sý qubyrynyń qurylysyna qarajat jetpeı otyr.

Býrabaıdaǵy máseleler

Býrabaı kýrorttyq aımaǵynda da kemshilikter jeterlik. Mınıstrdiń moıyndaýynsha, jergilikti kólderdiń jaǵalaýyn daıyndaý sapasy tómen, sondaı-aq ınfraqurylymdyq jobalar aıaqtalmaǵan. Shýchınsk-Býrabaı kýrorttyq aımaǵynda Gromotýha ózeni arqyly ótetin kópir qurylysyna jáne kýrort aýmaǵyndaǵy kólik júktemesin azaıtýǵa baǵyttalǵan jol ınfraqurylymyn jańǵyrtý jobalaryna qarjy bólý qajet.

Erbol Myrzabosynovtyń aıtýynsha, qazaqstandyq jaǵajaı týrızmindegi problemalardy sheshý úshin qosymsha qarjylandyrý men respýblıkalyq deńgeıde qoldaý qajet. Alaıda, qansha qarajat qajet ekeni naqtylanbady.

Byltyr Alakóldegi jabaıy jaǵdaı tipti el prezıdentiniń ashýyn keltirip, retteý týraly tapsyrma bergen bolatyn. Sol kezde de kýrortqa jetkilikti qarjy bólingenimen, negizgi máseleler áli sheshimin tappaǵan.