InfoHub Logo

Qazaqstannyń shyǵysyndaǵy taýlarda qar jaýdy. Áleýmettik jelilerde 31 tamyzda jaýǵan qardyń vıdeolary tarady, dep habarlaıdy Infohub.kz.

Jergilikti pablıkterdiń jazýynsha, keshe Rıdder taýlarynda alǵashqy qar jaýǵan.

"Keshe Rıdderdiń taýly aımaqtarynda qar jaýdy. Qalanyń ózinde qar joq", "Birden kún sýytyp ketti ǵoı", "Keshe ǵana jaz sıaqty edi", - dep jazýda jeli qoldanýshylary.

"Qazgıdromet" RMK sınoptıkteriniń boljamynsha, qazir elimizdegi aýa raıyna Jańa Jer aımaǵynan kelgen sýyq aýa massalarymen tolyqqan antısıklon áser etýde. Osyǵan baılanysty respýblıkanyń basym bóliginde aýa temperatýrasy tómendeıdi.

Aldaǵy ýaqytta soltústik-batysta, soltústikte, ortalyqta jáne shyǵysta túngi ýaqytta aýa temperatýrasy +2…+8°S-qa deıin tómendep, 2°S-qa deıin úsik júrýi múmkin.

Tipti ońtústik-shyǵys óńirlerde kúndizgi ýaqytta ystyq báseńdep, aýa temperatýrasy +20…+28°S shamasynda bolady.

Tek respýblıkanyń batysy men ońtústik-batysy Iran aımaǵynan kelgen jyly aýa massalarynyń yqpalynda bolady, onda áli de +32…+40°S-qa deıin ystyq saqtalady.