InfoHub Logo

Qazaqstanda jeke tulǵalardyń bankterge bereshegi jyldan-jylǵa artyp keledi. Ásirese, bólip tóleý (rassrochka) qyzmetterin belsendi túrde usynatyn Kaspi Bank boıynsha jaǵdaı kúrdelene túsken.

Sońǵy resmı derekterge sáıkes, Kaspi Bank-ke 90 kúnnen astam ýaqyt tólenbegen qaryz kólemi 304,7 mlrd teńgege jetken. Bul kórsetkish — elimizdegi bankter arasynda eń joǵarysy. Sonymen qatar, banktiń problemalyq nesıe portfeli (NPL 90+) bir jyl ishinde 41%-ǵa ósken.

2022 jyldyń qarashasyna deıin bul tizimde Halyk Bank kósh bastap turǵan edi. Alaıda qazirgi tańda Halyk Bank ekinshi orynǵa túsip, merzimi ótip ketken qaryz kólemi 299,5 mlrd teńgeni qurap otyr.

Úshinshi orynda — Eýrazıalyq bank, onda 90 kúnnen astam keshiktirilgen nesıeler 119,5 mlrd teńgege jetken. Al Bereke Bank boıynsha bul kórsetkish 88,4 mlrd teńge.

Kópshilik arasynda bank sektory turaqty, halyqtyń borysh júktemesi shamaly degen pikirler taraǵanymen, naqty statısıka bul oıdy joqqa shyǵaryp otyr. Kredıt alý qoljetimdi bolǵanymen, ony qaıtarý — úlken problemaǵa aınalyp keledi.

Bul jaǵdaıdyń kúrdelenýine ne sebep? Bankterdiń nesıe berý saıasaty ma, álde halyqtyń qarjylyq saýattylyǵy men tólem qabiletiniń tómendeýi me? Kredıt sharttaryn qatańdatý kerek pe — bul qoǵamda talqylaýǵa turarlyq ózekti másele.