InfoHub Logo

«Qazaqtyń baǵy da, baılyǵy da – Táýelsizdik!»

Maqsaty: Qazaqstan Respýblıkasynyń táýelsizdikke jetý jolyndaǵy aıshyqty isine sholý jasap túsinik berý; oqýshylardyń oılaý qabileti men sóıleý mádenıetin arttyrý jáne elin súıetin ultjandy azamat etip tárbıeleý.
Kórnekiligi: sýretter, prezentasıa, ulaǵatty sózder.

Tárbıe saǵatynyń barysy:
1 - júrgizýshi (Týrtkaraeva Aıdana):
Qazaqstan – kók baıraqty nur ediń,
Sen degende lúpildeıdi júregim.
Óziń meniń qýanyshym, baqytym,
Óziń meniń maqtanyshym, tiregim.
Qyran qusym kók aspanda samǵasyn,
Jelbiresin kók baıraǵyń san ǵasyr
Jas ulandar, berik usta týyńdy
Jarqyratyp týǵan eldiń tańbasyn!

Ánuran oryndalady.
2 - júrgizýshi ( Orynbasar Ahmet):
Qurmetti ustazdar men oqýshylar, ata – analar, búgingi keshke qatysýshy qonaqtar! 16 jeltoqsan Qazaqstannyń táýelsizdik alǵan kúnine arnalǵan «Qazaqtyń baǵy da, baılyǵy da – Táýelsizdik» atty keshimizge qosh keldińizder!
1 - júrgizýshi (Týrtkaraeva Aıdana):
Táýelsizdik – bul egemendi elimizdiń eń bıik tuǵyry. Bul táýelsizdik jolynda qanshama ǵasyrdy bastan keshirdik. azamattyq týy kókte jelbirep, bostandyq qyrany kógimizde erkin samǵap qalyqtaýy úshin ótkeli qıyn, buralań joldardan óttik. Batyrlyǵymyz ben jigerligimizdiń jáne rýhymyzdyń joǵarlyǵynyń arqasynda ańsaǵan táýelsizdikke de qol jetkizdik.

2 - júrgizýshi ( Orynbasar Ahmet):
Mine bıyl táýelsizdigimizdiń araılap atqan tańyna 22 jyl! Osy jyldar ishinde saıası júıesi turaqty, ekonomıkasy damyǵan, básekege qabiletti, halyqaralyq bedeli zor qýatty memleketke aınaldyq.
1 - júrgizýshi (Týrtkaraeva Aıdana):
Biz táýelsizdikke qol jetkizý arqyly mádenıetimiz ben salt – dástúrimizdi, dinimizdi, tilimizdi qaıta órkendettik. Táýelsizdigimizdiń rámizi sanalatyn ánuranymyzdy, týymyzdy, eltańbamyzdy jáne tól teńgemizdi saıladyq. Birligimiz ben beıbitshiligimizdiń negizi Konstıtýsıalyq zańdy bekitip, aıbarly aıbarymyzdy qurdyq.

2 - júrgizýshi ( Orynbasar Ahmet):
Kóptegen eldermen ekonomıkalyq qarym – qatynas ornatý arqyly búkil álemge qaıtpas qaısar qazaq degen halyqtyń bar ekendigin jarıa ettik. Endigi maqsatymyz – básekege barynsha qabiletti damyǵan elý eldiń qataryna ený.
Oqýshylar óleń joldaryn oqıdy.

1 - oqýshy ( Atygaeva Asem):
Men qazaqpyn myń ólip, myń tirilgen,
Jórgegimde tanystym muń tilimen.
Jylaǵanda júregim kún tutylyp,
Qýanǵanda kúlkimnen tún tirilgen.
2 - oqýshy ( Ýtegenov Alıhan):
Men qazaqpyn, bıikpin, baıtaq elmin,
Qaıta týdym, ómirge qaıta keldim.
Men myń da tirildim máńgi ólmeske,
Aıta bergim keledi, aıta bergim.
Aıta bergim keledi, aıta bergim.

3 - oqýshy ( Imash Dılnaz):
Men qazaqpyn qanymmen, súıegimmen,
Sán – saltanat saltymdy súıemin men.
Baq ornatam basyna molanyń da,
Muragermin oǵan da, ıemin men.

4 - oqýshy ( Mýstafaev Nýrlybek):
Taǵdyr meni mırastan aryltpasyn,
Toqtatpasyn, tostyryp saryltpasyn.
Uzyn bolyp aıaqqa oralmasyn,
Tusaý bolyp adymdy tarltpasyn.
Ekrannan prezentasıa kórsetilip turady. Baıaý án oınap turady.

1 - júrgizýshi (Týrtkaraeva Aıdana):
1991 jyl. Qazaqstan Respýblıkasy Táýelsizdigi jarıalandy.
Tuńǵysh qazaq ǵaryshkeri Toqtar Áýbákirov ǵaryshqa ushty.
2 - júrgizýshi ( Orynbasar Ahmet):
1992 jyl. Qazaqstan Respýblıkasynyń ishki áskeri quryldy.
4 - maýsymda memlekettik rámizder qabyldandy.

1 - júrgizýshi (Týrtkaraeva Aıdana):
1993 jyl. Qazaqstan Respýblıkasynyń ulttyq valútasy 15 - qarashada aınalymǵa engizildi.
2 - júrgizýshi ( Orynbasar Ahmet):
1994 jyl. Naýryz aıynda Táýelsiz Qazaqstan ǵaryshkeri Talǵat Musabaev ǵaryshqa ushty.
1 - júrgizýshi (Týrtkaraeva Aıdana):
1995 jyl. 30 – tamyzda Qazaqstan Respýblıkasynyń Ata zańy qabyldandy.

Qostanaı qalasy, Y. Altynsarın atyndaǵy
daryndy balalarǵa arnalǵan mektep - ınternaty
Ótkizgen: Saıpılova A. S.