InfoHub Logo

Sabaqtyń taqyryby: «Qazaqtyń qanatty qyzy – Hıýaz Dospanova»

Sabaqtyń maqsaty: 1) Bilimdilik – surapyl soǵys jyldary er azamattarǵa bergisiz erlikke barǵan qarakóz qazaq qyzdarynyń batyldyǵyna, batyrlyǵyna bas ıe otyryp, batyrlardyń erlikke toly ómiri úlgisinde tárbıeleý;
2) Tárbıelik - oqýshylardy Uly Otan soǵysynda ot keshken qaharman jaýyngerlerdiń teńdessiz de janqıarlyq erlikterin árqashan ardaqtaýǵa, óshpes rýhtaryna taǵzym etip, olardy máńgilik este saqtaýǵa, patrıotızmge tárbıeleý;
3) Damytýshylyq - qazaq halqynan shyqqan san myńdaǵan batyr ul - qyzdardyń ishinde esimi elge erekshe tanys batyr apalarymyzdyń biri, qazaqtyń tuńǵysh áıel - ushqyshy, jaýynger, batyr, Qazaqstan Respýblıkasynyń Halyq Qaharmany - Hıýaz Dospanova týraly keńinen tanystyrý.
Sabaqtyń túri: Aýyzsha beıne - jýrnal sabaǵy
Sabaqtyń kórnekiligi: Slaıdtar, beınefılm, fotosýretter, sýretter.
Tehnıkalyq qural - jabdyqtar: Interbelsendi taqta, medıaproektor, kompúter

Sabaqtyń jospary:
1 - bet: «Qazaq qyzdary - otty jyldarda»
2 - bet: «Ór minezdi qaısar qyz - Hıýaz»
3 - bet: « Qaharman qyz Hıýaz»
4 - bet: «Erlik – elge mura, urpaqqa uran»

Sabaqtyń barysy:
1 - bet: «Qazaq qyzdary otty jyldarda» (5, 6, 7 - slaıd)
Muǵalim:
Tarıh kóshi únemi jańalanyp otyrady. Dese de umytylmaıtyn, eskirmeıtin tarıhı oqıǵalar bolady. Sonyń biri álemdi dúr silkindirgen ekinshi dúnıejúzilik soǵystyń qasireti men Uly Jeńistiń qasıetin, batyr aǵalarymyz ben apalarymyzdyń erligin eshkim de eshqashan umytpaq emes.

Fashısik Germanıanyń tarapynan bastalǵan bul soǵys 1941 jyly 22 maýsymda bastaldy. Biraq sol kezdegi Keńes eliniń birligi men dostyǵynyń arqasynda 1945 jyly 9 mamyrda soǵys Uly Jeńispen aıaqtaldy. Mine, sodan beri 70 jyl merzim ýaqyt ótti. Bıyl Uly Jeńistiń 70 jyldyǵy.
Soǵys jyldarynyń shejiresine nazar aýdarsaq, qazaq qyzdarynyń erligi qaıran qaldyrady. Olardy maıdannyń ár tusynan, áskerı quramalardyń ár túrinen kezdestirýge bolatyn. Qazaq qyzynan ushqysh ta, tankıst te, barlaýshy da, partızan da shyqty. Sonaý etigimen sý keship, at aýyzdyǵymen sý ishken shatqalań kezeńde azamat júgin arqalap, myńdaǵan qazaq qyz - kelinshekteri ýaqyt tezinen, tarıh talqysynan súrinbeı ótti. Olar, aıaǵyna soldattyń kerzi etigin kıip Máskeýden Berlınge deıin sherý tartty. Reıhstagta jelbiregen Qyzyl Týda da qazaq áıeliniń óz úlesi, dańqty joly bar. Jalpy Uly Otan soǵysyna qatysqan árbir jaýynger qazaq qyzyn naǵyz batyr dep baǵalaýǵa ábden bolady. Qazaq áıeli soǵystyń zardabyn da, salmaǵyn ózgelermen qatar kótere bildi. Araıly tańy alda bolsa da, surapyl soǵys óz ortasynan julyp áketken qanshama er - azamattyń ornyn joqtatpaǵan. Álıa, Mánshúk, Hıýaz sıaqty batyr qyzdarymyz erligimen tanyldy.