InfoHub Logo

Aqtóbe oblysy, Shalqar aýdany,
Aýdandyq kórkemsýret lıseıiniń muǵalimi
Qundaqbaeva Tamara Tólepbergenqyzy

Qazaqy kıim kóneniń kózi. Qazaq kıimderi kóp, úlgisi de kóp. Keıbiriniń syrt kórinisterimen ataýlary ózbek, qyrǵyz aǵaıyndardyń kıimderine uqsas bolǵanymen, bizdiń halyqtyń kıim pishinderi men naqyshtary ózgeshe.

Sabaqtyń taqyryby: «Qazaqtyń ulttyq kıimderi»
Sabaqtyń maqsaty:
a) bilimdiligi: oqýshylardyń sándik qoldanbaly óneri jaıynda bilimderin toltyrý, kóne kıimder jaıynda túsinik berý;
b) damytýshylyǵy: oqýshylardyń oı - órisin damytý, ulttyq kıim túrlerin durys beıneleýge baýlý;
v) tárbıeligi: oqýshylardyń estetıkalyq talǵamyn arttyrýǵa, ulttyq dástúrge tárbıeleý.
Pánaralyq baılanys: eńbek, tarıh, ádebıet
Sabaqtyń túri: aralas sabaq
Sabaqtyń ádisi: shyǵarmashylyq toppen jumys
Kórnekiligi: ulttyq kıimder túrleri salynǵan plakat, sózjumbaq, úlestirmeli paraqtar, jumbaqtar, shekpen, tymaq, etik.
Qajetti qural - jabdyqtar: qaryndash, format, sýboıaq, qylqalam, akvarel boıaýy.

Sabaqtyń barysy:
İ. Uıymdastyrý kezeńi: oqýshylarmen amandasý, túgeldeý, sabaqqa nazaryn aýdarý.
İİ. Úı tapsyrmasyn tekserý: oqýshylardyń bilim jetildirý maqsatynda qoıylatyn paraqtar arqyly top jumysyn uıymdastyrý. Ár top berilgen suraqtarǵa jaýap beredi.
1 top. Sándik qoldanbaly óner degenimiz ne?
2 top. Kıiz úı jabdyqtaryn ata?
3 top. İsmer degenimiz ne?
4 top. Oıý - órnekter neshe topqa bólinedi?

İİİ. Jańa sabaqty meńgerý.
Qazaqy kıim kóneniń kózi. Qazaq kıimderi kóp, úlgisi de kóp. Keıbiriniń syrt kórinisterimen ataýlary ózbek, qyrǵyz aǵaıyndardyń kıimderine uqsas bolǵanymen, bizdiń halyqtyń kıim pishinderi men naqyshtary ózgeshe.
Qazaq kıimderin kúndelikti turmystyq jáne saltanattyq - sándik dep ekige bólýge bolady. Birinshisi arzanqol, biraq sharýa jumysqa berik, qarapaıym úlgide tigilse, al ekinshisi baǵaly, kórgende kóz tartatyn ádemi, sapaly matalarmen sándi pishilip, úlgisine laıyq bezendirilip ásem tigiledi. Jalpy alǵanda, qazaqy kıimder etek - jeńi mol, qarapaıym jumysqa, júrip - turýǵa úılesimdi, dene symbatyn ashady.

IV. Praktıkalyq jumys: oqýshylardy tórt topqa bólý, bólingen topqa tapsyrma berý.
1 top. Er adamnyń syrt kıimderin beıneleý.
2 top. Áıel adamnyń syrt kıimderin beıneleý.
3 top. Batyrlar kıimderin beıneleý.
4 top. Qazaqtyń ulttyq bas kıimderin beıneleý.
Tapsyrmany oryndaı otyryp tómendegi jumbaqtarǵa jaýap bereıik.
1. Adamnyń sáni, onsyz joq máni. /kıim/

2. Dorbaǵa tyǵyp bas jaǵyn,
Baılaı saldym bas jaǵyn. /tymaq/
3. İshi egis, syrty tegis. /ton/
4. Aýzy bir qubyr. /shalbar/
5. Dóńgelek ózi, tórteý kózi,
Ustaıdy myqtap, turǵandy syrttan. /túıme/
6. Áshekeıli kúbini,
Úıýli turǵan shómele,
Kıgizdim bıik tóbege. /sáýkele/

Sergitý sáti: «Qolóner» sóz jumbaǵyn sheshý.
1. Dóńgelek sheńber etip ıilgen, kıiz úıdiń eń joǵarǵy súıegi?
2. Jeńsiz jeńil kıim?
3. Sándik úshin bilekke taǵatyn áshekeıli buıym?
4. Jeti túrli dándi - daqyldardan sút qosyp pisirilgen suıyq as?
5. Sýret salyp toqylǵan kıim?
6. Nárestege arnalyp jasalǵan aǵash tósek?
7. Teriden jasalǵan, qymyz quıatyn ydys?
QOLÓNER

V. Sabaqty qorytyndylaý: oqýshylardyń jumysyn tekserip shyǵý. Jaqsy salynǵan sýretterdi úlgi etip kórsetip, taldaý jasaý, baǵalaý.
Vİ. Úıge tapsyrma: Basqa ulttyq kıimder týraly málimet izdestirý.