InfoHub Logo

Aqtaýlyq kontrabandashylar tobynyń múlikteri memleketke ótti. Uıymdasqan qylmystyq toptyń qarmaǵynda bolǵan «Meliana» tankeri, «Mangystau Oil Refining» munaı óńdeý zaýyty jáne myńdaǵan tonna janarmaı endi memleket menshiginde.

Bul týraly Infohub.kz aqparat agenttigi habarlaıdy.

Uıymdasqan toptyń áreketi

2025 jyldyń qazan aıynda Mańǵystaý oblysynda Aqtaý teńiz porty arqyly munaıdy zańsyz shyǵarý isi boıynsha sot prosesi aıaqtaldy. İs boıynsha munaı kompanıalarynyń bes ókili sottaldy. Olar uıymdasqan qylmystyq topqa qatysyp, munaı ónimderin iri kólemde kontrabanda jasady dep aıyptaldy.

Aqtaýdaǵy uıymdasqan qylmystyq top 2022 jyly qurylǵan. Onyń quramynda:

Olar munaıdy eksporttyq shekteýler men qosymsha salyqtarǵa jatpaıtyn «mazýt» retinde resimdegen. Bul úshin jalǵan qujattar men deldal fırmalardy paıdalanǵan. Shyn máninde, olar Aqtaý porty arqyly Ázirbaıjanǵa benzın, dızel jáne basqa da ónimder jasaýǵa bolatyn qarapaıym munaıdy jóneltken. 2022-2023 jyldary «Meliana» tankeri arqyly osylaısha 2,1 myń tonnadan astam shıkizat shyǵarylǵan.

Uıymdasqan toptyń ınfraqurylymy memleketke ótti

16 sáýirde memlekettik aýksıon saıty arqyly «Meliana» tankeri, «Mangystau Oil Refining» munaı óńdeý zaýyty jáne ondaǵy munaı ónimderi satylymǵa shyǵaryldy. Osy munaı ınfraqurylymynyń barlyǵy memleketke ótken. Zaýyt jerimen, ǵımarattarymen jáne jabdyqtarymen qosa 6,8 mıllıard teńgege baǵalanǵan.

1995 jyly Nıderlandyda shyǵarylǵan «Meliana» tankeri 1,6 mıllıard teńgege baǵalandy. Ol Aqtaý portynda turaqtalǵan. Sonymen qatar, memleketke kontrabandashylar satýǵa úlgermegen munaı ónimderi de tıesili boldy: benzındelgen munaı, dızel jáne mazýt quny 724 mıllıon teńgege baǵalandy.

Memleketke keltirilgen shyǵyn

Qarjy saraptamasynyń esepteýinshe, bir epızodtyń ózinde memleketke keltirilgen shyǵyn:

Sot uıymdasqan toptyń memleketke keltirgen jalpy shyǵyny 1,16 mıllıard teńgeden asqanyn, al búdjettiń qosymsha 320 mıllıon salyqty almaǵanyn anyqtady. Uıymdasqan toptyń paıdasy jalǵan shottar arqyly bólingen.

Esterińizge sala keteıik, úkim 2025 jyldyń 26 qyrkúıeginde jarıalandy. Bes aıyptalýshy – Melkýmov, Qystaýbaev, Ramazanov, Raıgorodskıı jáne Kenjebekov – Qylmystyq kodekstiń 262-babynyń 2-bóligi («Uıymdasqan topqa qatysý») jáne 234-babynyń 3-bóligi, 2-tarmaǵy («Erekshe iri kólemde kontrabanda jasaý») boıynsha kináli dep tanyldy.