InfoHub Logo

Qazaqstannyń bes qalasynda aýa sapasynyń nasharlaýyna baılanysty «Qazgıdromet» eskertý jasady. Aldaǵy ýaqytta qolaısyz meteorologıalyq jaǵdaılardyń qalyptasýy yqtımal.

Bul týraly Infohub.kz aqparat agenttigi habarlaıdy.

Qandaı qalalarǵa qatysty?

Málimetterge súıensek, 24 naýryzda Qostanaı, Qaraǵandy, Temirtaý, Aqtóbe qalalarynda, sondaı-aq Atyraý qalasynda túnde aýanyń lastanýyna yqpal etetin qolaısyz meteorologıalyq jaǵdaılar kútiledi.

Qolaısyz meteorologıalyq jaǵdaılar degenimiz – aýanyń lastanýyna sebep bolatyn, jeldiń álsizdigi, tuman, ınversıa sıaqty qysqa merzimdi meteorologıalyq faktorlardyń jıyntyǵy. Bul jaǵdaılar atmosferanyń jer betindegi qabatynda zıandy zattardyń jınalýyna ákeledi.

Qalalar boıynsha boljam

Qostanaı: Aınymaly bultty, jaýyn-shashynsyz. Túnde jáne tańerteń tuman bolady. Ońtústik-batys jeli 3-8 m/s. Temperatýra túnde 4-6°C aıaz, kúndiz 5-7°C jyly.

Qaraǵandy: Aınymaly bultty, jaýyn-shashynsyz. Keıde tuman túsedi. Ońtústik-batys jeli soltústik-shyǵysqa aýysady 2-7 m/s. Temperatýra túnde 3-5°C aıaz, kúndiz 2-4°C jyly.

Temirtaý: Aınymaly bultty, jaýyn-shashynsyz. Soltústik-batys jeli 9-14 m/s. Temperatýra túnde 3-8°C aıaz, kúndiz 5-10°C jyly. Ońtústik óńirlerde 13°C deıin jetýi múmkin. Keı jerlerde tuman túsýi yqtımal.

Aqtóbe: Azdaǵan bultty, jaýyn-shashynsyz. Shyǵys, ońtústik-shyǵys jeli 7-12 m/s. Temperatýra túnde 0°C shamasynda, kúndiz 11-13°C jyly.

Atyraý: Aınymaly bultty, kúndiz jańbyr, naızaǵaı kútiledi. Túnde jáne tańerteń tuman bolady. Shyǵys, ońtústik-shyǵys jeli túnde 2-7 m/s, kúndiz 9-14 m/s. Temperatýra túnde 5-7°C jyly, kúndiz 22-24°C jyly.