InfoHub Logo

Taqyryby: «Qys keremeti»
Maqsaty: Balalardyń tabıǵatty tamashalap, qys qyzyqtaryn aıtyp berýge, sýretteýge úıretý. Oqýshylardyń oılaý qabiletin, oı ushqyrlyǵyn, oqýǵa yntasyn arttyrý. Kórneki is - árekettik, sózdik - logıkalyq, oılaý áreketterin damytý, shyǵarmashylyq qabiletterin qalyptastyrý. Oqýshylardy shapshańdyqqa, ıkemdilikke, ujymmen jumysta uıymshyldyqqa, jaýapkershilikke, belsendilikke tárbıeleý. Sózdik qorlaryn arttyrý
Formasy: saıys
Ádisi: toptyq, kórnekilik, suraq - jaýap, sózdik
Uıymdastyrý kezeńi: Qurmetti ustazdar jáne oqýshylar! Búgingi 3 «D» synyby oqýshylary arasynda ótkeli otyrǵan «Qys keremeti» atty saıysqa qosh keldińizder.
Kirispe: Qys. Bul mezgilde adamdar tabıǵattyń qupıasyn, erekshe bir umytylmas sátterin tamashalaıdy. «Qystyń kózi qyraýda» degen halqymyzdyń tamasha sózi osy bir mezgildi aına - qatesiz baıan¬dap turǵandaı nemese Abaıdyń «aq kıimdi, deneli, aq saqaldy…» dep keletin óleń joldary da qystyń basqa jyl mezgilderinen ereksheligin pash etedi. Tabıǵattyń árbir maýsymy erekshe bolatyny sózsiz. Ár maýsymǵa tán seıil - serýeni de bolady. Jazda adamdar sýǵa shomylyp, kúnge qyzdyrynsa, qysta shanalaryn arqalap, bıik jotalarǵa, taý¬ly qyrattarǵa bet túzeıdi. Dala tósinde qoldan syrǵanaq jasaıtyn qyzyqty sátter de – óz aldyna bir áńgime. Barlyǵy qystyń sýyqtyǵyn emes, beınebir jyly nuryn, ystyq tartar sáýlesin taýyp alǵandaı qýanysady. Bıik qyrattan tómen qaraı appaq qardyń ústinde izin qaldyratyn shanasymen yzǵıdy.
Qańtar aıynyń alǵashqy kúnderi, mine, osyndaı qýanyshty shaqtarǵa toly. Qystyń ǵajaıyp umytylmas shaqtary adam janyna shýaǵyn shashyp, nuryn tóge túskendeı, osyndaı kóterińki kóńil kúı syılaıtyn mezgildiń keremetteri týraly saıysymyzdy bastaımyz.
Shyn júırikter synalady jarysta
Jarystyń ba orta jolda qalyspa
Ádilqazy baǵalaıdy sizderdi
Jeńis máre jaqyn ba, álde alys pa?- dep búgingi saıysymyzdyń ádil qazylar alqasymen tanys
bolaıyq:
Oqý isiniń meńgerýshisi:
Bastaýysh synyp muǵalimderi:
Saıysqa qatysýshylar:
3 «D» synyp oqýshylary
Al endi saıysymyzdyń josparymen tanys bolyńyzdar:
1 - aınalym. «Biz bilemiz...» (qurastyrylyp shyqqan sýret boıynsha biletinderin aıtý)
2 - aınalym. «Biz jyrlaımyz...» (qys mezgili týraly taqpaqtar aıtý) 3 - aınalym. «Biz tapqyrmyz...» (jumbaqtar sheshý)
4 - aınalym. «Biz aqynbyz...» (óleń qurastyrý)
5 - aınalym. «Biz aıtamyz...» (sýret boıynsha mátin qurastyrý) 6 - aınalym. «Biz shebermiz...» (toptyń atyn túrli tústi qaǵazdardyń kómegimen aplıkasıalaý) 7 - aınalym. «Qys qyzyǵy» (stıkerler arqyly óz oılaryn jınaqtap qorytyndylaý)
Saıysymyzdy bastamas buryn oqýshylardy topqa bólip alaıyq. (Shyrsha men aqqalanyń sýretteri beınelengen tósbelginiń bireýin tańdap alyp, sonyń ataýy jazylǵan topqa ornalasý)
- Bilim degen bıik shyń
Baqytqa seni jetkizer
Bilim degen aqylshyń
Qıyndyqtan ótkizer - dep bilim saıysymyzdyń birinshi aınalymyna kezek beremiz.
1 - aınalym. «Biz bilemiz...» Ár topqa sýret qıyndylary beriledi, 1 mınýt ýaqyt ishinde qıyndylardan tutas sýret qurastyrý kerek jáne sol sýret boıynsha biletinderin aıtý qajet. (tutas sýret: aqqala men shyrsha) Aqqala men shyrsha týraly vıdeorolık kórsetý
2 - aınalym. «Biz jyrlaımyz...» Qys mezgili týraly taqpaqtar aıtý jáne aınalymnyń sharty boıynsha birinde aıtylǵan taqpaqty ekinshisi qaıtalaýǵa bolmaıdy.
3 - aınalym. «Biz tapqyrmyz...» Ár topqa jumbaqtar beriledi, sol jumbaqtardyń durys jaýabyn tabýy kerek.
1. Aq saqaldy atany - aı,
Mineziniń shataǵy - aı (Qys)
2. Bes in, bes inniń,
Aýzy bir in. (Qolǵap)

3. Qanaty joq ushady,
Aıaǵy joq jeledi,
Aýzy joq ulıdy. (boran)

4. Jazda bolmaıdy,
Qysta bolady.
Terezege qonady,
Ásem oıý oıady (qyraý)