InfoHub Logo

Jambyl oblysy,
T. Rysqulov aýdany ákimdiginiń
bilim bóliminiń «Balbóbek» balabaqshasynyń tárbıeshisi
Jýmagýlova Gýljan Bazarbaevana

Bilim berý salasy: «Tanym», «Shyǵarmashylyq»
Bólimi: «Qorshaǵan ortamen tanysý», «Sýret»
Taqyryby: «Qys qyzyǵy»
Maqsaty: Balalardyń qys mezgili týraly túsinigin keńeıtý. Qys mezgiliniń sulýlyǵyn tamashalaı bilýge, tabıǵattyń ereksheligin sezine bilýge, qorshaǵan ortamen tanysý arqyly balanyń oı - órisin damytý. Japalaqtap jaýyp turǵan qar ulpalarynyń sýretin tútikshe arqyly úrleı otyryp, beıneleýge úıretý.
Kórnekiligi: Interaktıvti taqta, slaıd.

Tárbıeshiniń is - áreketi: Shattyq sheńber:
Araılap tań atty,
Altyn sáýle taratty
Jarqyraıdy kúnimiz
Jarqyraıdy dalamyz
Qaıyrly tań dostarym
Qaıyrly tań qonaqtar
Tárbıeshi: Balalar men senderge jumbaq jasyraıyn, sheshýin taba alasyńdar ma?
Balalar: Árıne.
Tárbıeshi: Aıaz qysyp,
Órnek syzyp,
Terezeni torlaıdy
Qar ombyǵyp,
Bet dombyǵyp, baldyrǵandar oınaıdy.
Búldirshinderim, aıtyńdarshy, bul qaı kezde bolady?
Balalar: Qys mezgilinde.
Tárbıeshi: Durys aıtasyńdar. Balalar, qazir jyldyń qandaı mezgili?
Balalar: Qys mezgili.
Tárbıeshi: Balalar, qys mezgilinde aýa - raıynda qandaı ózgerister bolady?
Balalar: Qar jaýady, sýyq balady, boran soǵady, aıaz bolady.
Tárbıeshi: Qys mezgilinde adamdar qalaı kıinedi?
Balalar: Adamdar jyly kıinedi.
Tárbıeshi: Qysta qandaı oıyndar oınaımyz?
Balalar: Qardan aqqala soǵamyz, syrǵanaq jasaımyz, shana, shańǵy tebemez.
Tosyn sát: Topqa Masha men Aıý qonaqqa keledi.
Masha men Aıý: Sálemetsińder me, balalar?
Balalar: Sálemetsizder me?
Masha: Balalar mende neshe túrli pishinder bar, sol pishinderden aqqala jasaýǵa kómektesesińder me?
Balalar: Kómektesemiz.
Balalar Mashamen birge pishinderden aqqala jasaıdy.
Masha: Jaraısyńdar, balalar. Endi meniń sýret salǵym kelip tur.
Tárbıeshi: Olaı bolsa sender Aıý ekeýiń balalarmen birge sýret salýǵa kómektesińder.
Balalar qorapshadaǵy beıneli sýretterdi tańdaý arqyly eki topqa bólinedi.
1 - top: «Aqqala» toby.
2 - top: «Ulpa» toby.
1 - top: «Aqqala» toby jaryq shamy túsirilgen áınekke qys qyzyǵyn manka jarmasynan, as tuzdan, qumnan saýsaq qımyldary arqyly sýret salady.
2 - top: «Ulpa» toby kók tústi qaǵazdy alyp, aq tústi gýash boıaýyna qylqalamdy batyryp, kók tústi qaǵazǵa tamyzyp, boıaýdy tútikshemen úrlep, qar ulpasynyń sýretin beıneleıdi.

Sergitý sáti:
Saýsaqtarym turyńdar,
Sapty birge quryńdar,
Jelmen birge maıysyp,
Ońǵa, solǵa buryńdar.
Masha men Aıý: Balalar, senderge kóp rahmet. Óte qyzyqty boldy búgingi is - áreketteriń. Endi qaıtaıyq, qosh saý bolyńdar.
Tárbıeshi: Júrekten júrekke,
Qol ustasyp turaıyq,
Dostyq ánge salaıyq,
Saý - salamat bolaıyq.

Kútiletin nátıje: Ne aldy? Qys qyzyǵyn tamashalady.
Ne bildi? Qys mezgili týraly maǵlumat aldy.
Ne isteı aldy? Balalar tútikshemen qardyń jáne qum, jarma, as tuzyn paıdalana otyryp jaryq túsirilgen áınekke saýsaq qımyldary arqyly sýret saldy.