InfoHub Logo

Bilim berý salasy: Qatynas
Bólimi: Sóıleýdi damytý
Taqyryby: Qysqy serýen
Maqsaty: Qys mezgilin sıpattaı bilýge úıretý, sózdik qorlaryn damytý. Sóz tirkesteriniń durys aıta bilýge úıretý. Tabıǵatty aıalaýǵa, ásemdikti kóre bilýge, sezinýge tárbıeleý.
Kórnekilikter: Qysqy serýengi balalardyń sýretteri úlestirmeli materıal (aqqala, shyrsha, sýretteri)
Sózdik jumys: aqqala, shana, qar.
Bılıngvaldy komponent: aqqala – snegovık, shana – sonık, qar – sneg.
Uıymdastyrý kezeńi: Sálemetsizder me balalar? Balalar qarańdarshy bizge búgin qonaqtar kelipti. Qane bárimiz sheńberge turyp qonaqtarmen amandasaıyq.
Shattyq sheńber: Amansyń ba altyn kún.
Amansyń ba kók aspan,
Amansyń ba jer ana.
Amansyń ba dostarym,
Sálemetsizder me qonaqtar.
Balalar men sizderge jumbaq jasyramyn. Kim sheshýin tabady?
Aıaz qysyp órnek syzyp
Terezeni torlaıdy
Qarǵa ombyǵyp, bet dombyǵyp
Keıde ulyp, keıde ysqyryp
Uıytqyp boran soǵady
Bóbekterim aıtyńdarshy
Bul qaı kezde bolady? 
 (qys mezgili)
- Kázir jyldyń qaı mezgili?
- Qys mezgili neshe aıdan turady?
- 3 aıdan.
- Qys aılaryn kim aıtady?
- Jeltoqsan, qańtar, aqpan.
- Qys mezgili ekenin qaıdan bilip turmyz?
- Qys mezgilinde kóptegen ózgerister bolady, kún sýytyp, boran, aıaz turady, qustar jyly jaqqa ushyp ketedi. Qys mezgilinde qandaı oıyndar oınaǵandy jaqsy kóresińder?
Qysta shanamen syrǵanaımyz, aqqala jasaımyz, qarmen oınaımyz.
Negizgi bólim: Myna sýretterge qarańdarshy, balalar shańǵy teýip júr, shanamen syrǵanap júr. Endi balalar esterinde me bizder keshe dalaǵa serýenge shyqqanda qandaı oıyn oınadyq?
- Shanamen syrǵanadyq, qar laqtyrdyq.
Balalar sender qys týraly taqpaq bilesińder me?
- Ahmet
Qandaı qyzyq qys degen
Bári sheber ispenen
Baqsha aldy toldy dep
Boıap aldy qarmenen.
- Merýert
Japalaqtap ala qar 
Jaýdy kúnde qaıtalap 
Qyrǵa shyqty balalar
Shańǵylaryn arqalap.
- Batyrhan
Kózi qara temirdeı
Sábiz murny kóringen
Aýzy bar aǵashtan 
Telpegi bar temirden.
Balalarmen jumys oryndaý: 
«Aqqala» japsyrý.
Biraq kúndegideı qaryndashpen emes japsyrý ádisin paıdalanamyz.
Balalar orys tilinde: aqqala – snegovık, qys – zıma, qar – sneg dep aıtady.
Aqqala úsh bólikten turady. Úlken bóligi astyna, ortanshy bóligi ortasyna kishi bóligin ústine qoıý.
Aqqalanyń beınesi jaqsy kóriný úshin basyna shelek kıgizemiz.
Murnyn, kózin neden jasaıdy? Tústeri qandaı?
Qyzǵylt sary, qara. 
Sergitý sáti:
- Endi ornymyzdan turaıyq, sergitý sátin jasaıyq.
Dıdaktıkalyq oıyn: «Qys mezgiliniń oıyndary»
Balalar taqtamen jumys jasaıdy.

Qorytyndy:
- Balalar, mynada ne beınelengen eken?
- Jyldyń qaı mezgili eken?
- Balalar nemen oınap júr?
- Jumbaq ne týraly?
Ashyq oqý qyzmetine jaqsy qatysqan balalardy madaqtaý.

Jambyl oblysy Taraz qalasy
№18 «Erkejan» bóbekjaı - baqshasy
Sopbek Jazıra Pernebaıqyzy