InfoHub Logo

Maqsaty:
Bilimdilik: 1- den - 5 - ke deıin sandardy sanap, qaıtalaý arqyly bilimderin bekitý. Týra jáne keri sanaýǵa daǵdylaryn qalyptastyrý, logıkalyq suraqtarǵa jaýap berý arqyly oılaý qabletin damytý, geometrıalyq pishinderdi aıyryp, qurastyryp olarmen jumys jasaý. Sanamaq úırenýge, adamgershilikke tárbıeleý.
Damytýshylyq: Logıkalyq oılaýlaryn, este saqtaý qabiletterin damytý. Sıpaý arqyly sandardy aıtqyzyp, matematıkalyq oıyn arqyly balalardyń tilderin damytý.
Tárbıelik: Zeıindilikke, oıshyldyqqa, qamqorlyqqa tárbıeleý.
Ádisi: Kórnekilik, túsindirý, suraq - jaýap
Kórnekiligi: sandar sýretteri, tapsyrmalar, geometrıalyq pishinder, alma aǵashy
Sabaqtyń túri: Aralas
Oqý - is áreketiniń barysy:
İ. Psıhologıalyq jattyǵý: Balalar men birge shattyq sheńberine jınalyp, bir - birine jylýlyqtaryn syılaý.
Sálem deımın men kúnge,
Sálem deımın men saǵan,
Sálem deımın men apaıǵa,
Sálem deımın qonaqtarǵa.
Erkem, erkem, erkem - aı,
Erkelegen erkem - aı,
Jaqsy kórem ómirdi,
Jaqsy kórem men seni.

İİ. Uıymdastyrý kezeńi:
- Balalar dalada jyldyń qaı mezgili?( qys)
- Qysta qalaı kıinemiz? ( jyly)
- Qystyń erekshelikteri qandaı? (qar, aıaz, boran)
İİİ. Qyzyqtyrý sáti: Alma aǵashy
Balalar myna aǵashqa qarańdar
1 tapsyrma. 1 - den 10 - ǵa deıin týra keri sandar jáne joǵalǵan sandar.
2 tapsyrma. Sıqyrly sandar.
3 tapsyrma. Logıkalyq sandar (aýyzsha jáne jazbasha)

İV. Sergitý sáti:
Úlken sheńber quraıyq.
Úlken sheńber qurǵan soń,
Shapalaq ta, shapalaq ta,
Oń jaqtaǵy balaǵa,
Sol jaqtaǵy balaǵa
Joǵary - tómen qaraımyz
Orynymyzdy tabaıyq.
V. Dıdaktıkalyq oıyn: «Ǵajaıyp qalta».
Maqsaty: Sıpaý arqyly sandardy ajyrata bilýge úıretý.
Vİ. Dáptermen jumys: Balalardyń jumystaryn baqylaý.
4 tapsyrma. Geometrıalyq pishinderdi úlgi boıynsha qurastyramyz.
Vİİ. Qorytyndy.
- Jaqsy, balalar 1 - den 5 - ke deıingi sandardy jaqsy meńgeripsińder. Óte tamasha oqý is - áreketine qatystyńdar
- Biz búgin kimniń tapsyrmalaryn oryndadyq?
- Esep Atanyń – dep balalar jaýap qaıtarady.
- Durys balalar. Tapsyrmany óte jaqsy oryndadyńdar, al endi esep Atanyń shaǵyn syılyqtaryn tabys etemin. Syılyqty almas buryn, kelgen qonaqtarmen qoshtasaıyq.
Qol ustasyp turaıyq,
Sheńberdi biz quraıyq
Kóriskenshe kún jaqsy
Saý - salamat bolaıyq.