InfoHub Logo

Bir kúni Qojanasyr úıine kele jatqanda, jaýyn quıyp ketedi. Taıaý jerde asqana bar edi, Qojanasyr jaýynnan qashyp sonda baryp kiredi. Asqana ishi jyp-jyly, káýaptyń ıisi burqyrap tur. Jaýyn toqtaǵan soń, Qojanasyr shyǵýǵa bet alady, biraq asqana ıesi ony kidirtip:

— Sen, nemene, qur ketpekshimisiń, eń áýeli aqshasyn tóle! — deıdi.

— Ne úshin tóleımin aqshany? — dep ań-tań bolady Qoja.

— Ne úshin deımisiń? — deıdi asqana ıesi. — Sen tamaqtyń tátti ıisimen dem aldyń ǵoı.

— Iá, tamaqtyń tátti ıisi tanaýymyzdy qytyqtady ǵoı, biraq ol tamaqty kórgen de, jegen de joqpyz ǵoı!

— Báribir aqsha tóleısiń, káýaptyń ıisin bosqa jutyp kete beremisiń, — dep taqaqtap qoımaıdy ol.

Asqana ıesin sózden jeńip bolmaıtynyn sezgen Qojanasyr:

— Jaqsy, men tóleıin, biraq áýeli úıge baryp, aqsha alyp keleıin, — deıdi.

Ol úıine baryp aqshasyn alyp keledi. Qojaıyn kútip otyr eken.

— Aqshany ákeldiń be? — deıdi ol

— Ákeldim, — deıdi Qojanasyr. Ol qolyn qaltasyna asyqpaı salypty da, tıyndaryn biraz syldyr-syldyr etkizedi.

— Aqshanyń syldyryn estımisiń?

— Estip turmyn.

— Endeshe, ekeýmiz eseptestik. Men seniń káýabyńnyń ıisin ıiskedim, al sen meniń aqshamnyń syldyryn estidiń, — dep Qojanasyr shyǵyp júre beripti.

---