InfoHub Logo

Qarny ashyp, jolaýshylap kele jatqan Qojanasyrdy shaqyryp:

— Myna bir aýrýdy kóre ketińizshi, — dedi aıdalada otyrǵan jalǵyz úıli adamnyń týystary. Qaıdan bilsin, basynda sáldesi bolǵan soń ári dem oqıtyn molda, ári táýip bolsa kerek dep oılaǵan jurt. Eseginen túsip úıge kirdi de:

— Bir tostaǵan baýyrsaq, bir tostaǵan aıran ákele ǵoı, — dedi de, aýrýdyń basyna tizerlep otyra qaldy.

— E, Alla, shıpasyn bergeı, — dep shýlap turǵandarǵa:

— Shyǵa turyńdar, — dep jekirdi.

Lajsyz jurt dalaǵa shyǵyp ketti. Qojanasyr aıranǵa baýyrsaqty salyp jep toıyp aldy. Dalaǵa shyqty da, esegine minip júre berdi.

— Aýrýdyń hali qalaı? — degenderge basyn ızedi de:

— Jaqsy, birazdan soń dybys shyǵaryp qalar, — dep dámelendirdi. Ketip bara jatqan Qoja moınyn buryp artyna qarasa, shýlaǵan daýys ta shyǵypty. Qýǵynshylar ustap alyp surasa:

— Táńirine nálet, nege ótirik aıtasyń? — deı berip edi,

Qoja:

— Qansha qarǵasań qarǵaı ber, baýyryńnyń janyn sol Táńiri aldy, — deıdi.

---