InfoHub Logo

Qazaqstandyq áleýmettik jelilerde Oqý aǵartý mınıstri Juldyz Súleımenovanyń týysy Ordabasy aýdandyq Bilim bóliminiń basshysy bolyp taǵaıyndaldy degen aqparat tarap, qyzý talqyǵa tústi. Alaıda, bul málimetti joqqa shyǵarǵan belgili jýrnalıs Móldir Nurman, mınıstrge jáne jańa basshyǵa qatysty jala jabýshylarǵa qatań eskertý jasady.

Bul týraly Infohub.kz aqparat agenttigi habarlaıdy.

Jelide Alı Tóleýbekuly esimdi qoldanýshy Gúlnur Súleımenovanyń Oqý aǵartý mınıstri Juldyz Súleımenovanyń qaıynbıkesi ekenin jazǵan bolatyn. Bul aqparatty naqty teksermesten, mınıstrge «qyjyly barlar» dereý syn-pikirler jaýdyra bastady.

Jýrnalıs Móldir Nurman bul jala jabýshylarǵa jaýap berip, jańa basshynyń mınıstrge eshqandaı týystyq qatysy joq ekenin málimdedi. Onyń aıtýynsha, eki áıel de bilim salasyndaǵy myqty mamandar, óz bilimimen jáne eńbegimen jetistikke jetken.

«Ekeýi de adal maman!»

Móldir Nurmannyń sózinshe, Gúlnur Súleımenova Ordabasy aýdanyna jańadan taǵaıyndalǵan basshy retinde baıqaýdyń ashyq ári ádil ótýiniń nátıjesinde qyzmetke kelgen. Bilim basqarmasy da bul baıqaýdyń ádil ótkenin resmı túrde rastaǵan.

«Bireýler sıaqty top ete qalmaǵan, árkimge súıenip. Bilim Basqarmasy baıqaýdyń ashyq ári ádil ótkenin, resmı málimdegen. Buıyrǵan ketpeıdi, júgirgen jetpeıdi degen. Ashyq baıqaýda ashyq jeńiske jetse óz bilimimen jetken. Prezıdent tapsyrmasy – bıliktiń ár tarmaǵy men barlyq salalardy adal ári ádil azamattarmen tolyqtyrý. Tak chto ekeýi de adal maman! Birin Prezıdent mınıstr etse, ekinshisin Qudaı aýdandyq bilim bólimine basshy qylǵan, shúkirshilik!» – dep jazdy jýrnalıs.

«Qyzyl burysh salyp jiberemin!»

Jýrnalıs sondaı-aq, qyz balalardyń baǵyn qyzǵanyp, ishteri kúıip otyrǵandarǵa ashýly lebizin bildirdi. Ol tipti, «ishteriń kúıse tuz jalańdar, eger che aıtyńdar bir qap qyzyl burysh salyp jiberemin!» dep ashýlandy.

Móldir Nurman «boqblogerlerge» de sógis aıtyp, mektepter men bilim bólimderin «timiskilep», «shuqylaı bermeýge» shaqyrdy. Onyń aıtýynsha, mektep – bopsalaıtyn bank emes, balalar tárbıelenetin oryn. Blogerlerdi mektepterge múlde jolatpaý kerektigin aıtty.

«Kim biledi, tekseremiz dep ý berip ketse she, arasynda sottalǵandary balalardy zorlap ketse she, kim jaýap beredi? Mektepterge boq tergen blogerlerdi múlde jolatpańdar, bilim bólimderine de», – dep qadap aıtty ol.

«Súleımenovalardan qoldaryńdy tart!»

Jýrnalıs qorytyndylaı kele, barlyq jala jabýshylar men mınıstrdiń qyzmetine kóz tikkenderge «Súleımenovalardan qoldaryńdy tart!» dep eskertti. Onyń aıtýynsha, eki áıel de bilim berý salasynyń myqty mamandary.

«Kim bireýdi ketirýge áreket etse, ózderi qyzmetsiz qalady! Baıqaýdan jeńilip qalǵandar bolsa da, mınıstrdiń eteginen tartyp jatqandar bolsa da qazǵan orlaryna ózderi túsetinin umytpasyn! Men Prezıdenttiń Adal azamat pozısıasyn qoldaımyn, aramylardy emes, kóksegeni tek qyzmet bolǵan!» – dep jazdy Móldir Nurman.