InfoHub Logo

Qonaq - atańnan da úlken. 9 - synyp
(Sahnalyq kórinis)
Qatynasýshylar:
Azamat B. otaǵasy
Araıgúl Azamattyń áıeli
Azamat S. qonaq, Azamattyń inisi
Jemis qonaq, Azamattyń apasy
Janar qonaq qyz
Nurbek Azamat pen Araıgúldiń balasy.

Kıiz úıdiń ishi. Otaǵasy Azamat qolyna dombyrasyn alyp, kúı shertip otyr. Jubaıy shaı qamyna kirisýde. Kóp keshikpeı úıge qonaqtar kirip keledi.
Azamat S. Assalaýmaǵaleıkým! ( esikten sálem berip kiredi).
Azamat B. Ýaǵaleıkýmassalam!
Jemis. Amansyńdar ma, qaraqtarym?
Araıgúl ( ıilip sálem etedi)
Jemis. Baqytty bol!
Janar. Sálemetsiz be. jeńeshe?
Araıgúl. Erkejan da kelip qapty ǵoı. Aınalaıyn, kelshi mańdaıyńnan súıeıin.
Azamat S. Osy úıdiń qazanyn shegeleı keldik.
Azamat B. Jaqsy boldy ǵoı, ózimiz de osy qazan shegelegish sheber izdep
otyr edik. Tórletińder.
Jemis. Aýyl - aımaq, kórshi - kólem, mal - jan - bári aman ba?
Azamat B. Bári de aman. Qudaıǵa shúkir, el qatarly ómir súrip jatqan
jaıymyz bar
Janar.. Jeńeshe, mynaý ózińizge degen tartýym.
Araıgúl. Rahmet, janym. Sol ózińniń kelgenińe ne jetedi.
Janar. Túý, jeńeshe, shaıyńyz tátti eken. Taǵy da quıyńyzshy.
Araıgúl. İshe ǵoı, janym.
Azamat S. Shaıǵa úırenip boldyq qoı. Bul qurǵyrdy qanyp ishpeseń, tipti basyń aýyratyn boldy. Bermeseńiz surap ishetin edik. Jeńeshemizdiń baýyrsaǵyn saǵynǵanymyz ras (Barlyǵy kúledi).
Janar. Aǵa, burynǵy ómirden ótken dana adamdar, bıler jaıly kóp biletin edińiz ǵoı. Solardyń bireýin taǵy da aıtyp berińizshi.
Jemis. E, bárekeldi!
Azamat B. Qalqamnyń tilegin jerge tastamaıyn (áńgime aıtady).
- Bala bı qartaıǵan shaǵynda eliniń ıgi jaqsylarymen keńesip otyryp: «Jerden aýyr ne, sýdan tereń ne, ottan ystyq ne, kókten bıik ne?» dep suraǵan eken. Buǵan eshkim aýyz tushytarlyqtaı jaýap bere almapty. Sonda Bala bı ózi sheship bergen eken deıdi.

Jerden aýyr degenim - aqyl - bilim.
Sýdan aýyr degenim - oqý - ǵylym.
Ottan ystyq degenim - adamnyń ómiri.
Kókten bıik degenim - tákappardyń kóńili.
(Barlyǵy birge):– Keremet, taýyp aıtylǵan sóz.

Jemis. Osy shaı ishilip bolǵan sekildi. Jınaı ber, qalqam.
(Shaı quraly jınalady).
Nurbek. Apa, as daıyn.
Araıgúl. Á, endeshe, qolǵa sý quıa ǵoı. (Qolǵa sý quıylyp, tabaq tartylady)
Azamat S. Álgi osy úıdiń balasy qaıda, shaqyr. Ol da bizben birge tamaq jesin.
Araıgúl. Kenjetaı, kel sende tamaqqa, osy aǵalaryńnyń jaqsy áńgimelerinen ǵıbrat al. Saǵan da osy aǵalaryńnyń jasyn, jolyn bersin.
Jemis. Meniń kelinim qandaı ónerli deseńshi. Ettiń nanyn ózgeshe, ádemilep jaıǵan ekensiń.
Araıgúl. Ózimniń sheshem nandy osylaı jaıýshy edi. Kórgenimdi jasap, kópke
úlgi bolsyn degenim ǵoı ( et jelinip, sorpa beriledi, tabaq alynady).

Azamat B. Jasyń kishi bolsa da. Jolyń úlken qonaqsyń. Astyń batasyn óziń qaıyra ǵoı.(Dastarqanǵa, otyrǵandarǵa bata beriledi. Bala Nurbek
apasyna shubat quıylǵan ydysty ákelip beredi. Apasy shubattan zerenge quıyp, qonaqtarǵa beredi).
Azamat B. Qarap otyrǵansha, aýyldyń alty aýyzyn aıtaıyn. (Qurmanǵazynyń «Adaı» kúıi tartylady). Endi qonaq káde aıtyńyzdar.
Janar. Men bir halyq ánin shyrqap bereıin («Ágýgaı» áni oryndalady)
Barlyǵy birge: Óneriń ústem bolsyn!
Azamat B. Aq ishińizder.
Araıgúl. Erkejan, beri kel.
Janar. Jeńeshe, mynanyń bárin qaıdan aldyńyz?
Araıgúl. Bul – meniń jınap júrgenderim, eskiniń kózi. ózimniń sheshemnen, enemnen qalǵan sándik buıymdar. Buıymtaıyńdy aıt, qalaǵanyńdy bereıin.
Janar. Myna bireýin tańdadym. Qalaǵanym – osy.
Araıgúl. Qalaǵanyń osy bolsa, ala ǵoı. Kózimdeı kórip taǵarsyń.
Jemis. Amanshylyqta, saýshylyqta kezdeseıik.
B. Azamat pen Araıgúl birge. Joldaryń bolsyn. Elge aman - saý baryńdar.