InfoHub Logo

Silesi qatyp sharshaǵan, ári qarny ashqan Ápendi qaladan kele jatyp, demalyp, áldenip alý úshin Daýyd degen aýyldaǵy bir tanys baıdyń úıine soǵady. Úı ıesi úlken jibek dastarhan jaıady, biraq úlken qyp tabaqtaǵy sútten basqa eshteme qoımaıdy. Mynadaı qonaqjaılylyqqa ań-tań bolǵan Ápendi aqyryn ǵana jan-jaǵyna qarap otyrady. Al úı ıesi qolyn júregine qoıyp:

— Marhabat, aıran, qatyq, maı, súzbeden dám aýyz tıińiz, alyńyz, qymbatty Qoja! — deıdi.

Sútti ázer ishken Ápendi baımen qoshtasyp, aldy-artyna qaramaı tura jóneledi. Kóp ýaqyt ótpeı-aq bir kúni sol baı da Qojanasyrǵa qonaq bolypty.

— Marhabat, marhabat, — dep Ápendi de quraq ushady, qalyń kórpelerdi tósep, shytpaǵyna qus jastyq tastaıdy, al tamaqtan júzimniń bir úzim shoǵyn ǵana beredi.

Baıdyń júzi kúreńtip ketedi. Ápendi bolsa:

— Alynyp! Dám tatynyp asa qurmetti baı! Munda bári de bar: tamasha sharap, kúshti júzim araǵy, bal, kepken meıiz, meıiz alýasy, shárbat, alyńyz, uıalmańyz! — degen eken.

---