InfoHub Logo

Qazaqstan Qorǵanys mınıstrligi Gvardeısk garnızonyndaǵy áskerı bólimde bolǵan oqıǵa boıynsha qyzmettik tekseris júrgizip, birqatar basshylyq laýazymdy tulǵalarǵa qatysty sharalar qabyldady. Bul týraly mınıstrliktiń Telegram arnasynda habarlandy.

Bul týraly Infohub.kz aqparat agenttigi habarlaıdy.

Áskerı qyzmetshige dene jaraqatyn salý faktisi boıynsha qylmystyq is qozǵaldy

Vedomstvonyń habarlaýynsha, merzimdi qyzmettegi áskerı qyzmetshiniń dene jaraqatyn alǵany týrali fakti boıynsha qylmystyq is qozǵalyp, qajetti tergeý áreketteri júrgizilýde. Sonymen qatar, laýazymdy tulǵalardyń áreketterine quqyqtyq baǵa berý úshin qyzmettik tekseris júrgizildi.

Kadrlyq sheshimder qabyldandy

Osy oqıǵaǵa baılanysty áskerı bólimniń komandıri, onyń tárbıe jáne ıdeologıa jónindegi orynbasary, batalón komandıri jáne rota komandıri qyzmetterinen bosatyldy. Bul týraly Qorǵanys mınıstrligi málimdedi.

Budan bólek, áskerı bólim komandıriniń orynbasary – shtab bastyǵy, batalón komandıriniń orynbasary jáne onyń tárbıe jónindegi orynbasaryna qyzmetterine tolyq sáıkes kelmeıtindigi týraly eskertý berildi. Birqatar ofıserler men serjanttarǵa qatań tártiptik jazalar qoldanyldy.

Mınıstrlik bul sharalardyń laýazymyna qaramastan, árbir tulǵanyń jaýapkershiligin kórsetetinin atap ótti. Tergeý qorytyndysy boıynsha barlyq mán-jaılarǵa zańnamaǵa sáıkes quqyqtyq baǵa beriletin bolady.

Buǵan deıin Otardaǵy áskerı bólimderdiń birinde merzimdi qyzmettegi áskerı qyzmetshiniń jaq súıeginiń jaraqatyn alǵany habarlanǵan edi. Zardap shekken azamat Almatydaǵy Áskerı klınıkalyq gospıtálda em qabyldaýda. Onyń ápkesi áleýmettik jelide úndeý jarıalap, kináli tulǵalardyń áreketterine quqyqtyq baǵa berilip, qylmystyq is qozǵaýdy suraǵan bolatyn.