InfoHub Logo

Sabaqtyń taqyryby: Qorshaǵan ortanyń lastanýy
Sabaqtyń maqsaty:
Bilimdilik: Qorshaǵan ortanyń lastanýy men qoǵamnyń ekologıalyq máselesi týraly bilimin bekitý, tereńdetý
Damytýshylyq: Ár túrli aqparattarmen jumys isteý daǵdylaryn damytý, alǵan bilimin naqty ómirlik jaǵdaıda qoldana bilýge úıretý
Tárbıelik: Ekologıalyq máseleler men qorshaǵan ortanyń lastaný suraqtaryn sheshý boıynsha oqýshylardyń adamgershilik, azamattyq ustanymy men ekologıalyq mádenıetin qalyptastyrý
Sabaqtyń mindeti: Taqyryp boıynsha berilgen problemalyq suraqtarǵa taldaý jasatý, sheshim qabyldaý

Epıgraf: «Adam tabıǵatty tutynýshy ǵana emes, sonymen qatar baǵyndyrýshy.
Biz búginde oǵan táýeldi ǵana emespiz, ol bizge táýeldi» (Sh. Aıtmatov)
Sabaqtyń tıpi: Jańa taqyrypty meńgertý
Sabaqtyń túri: Suraq - jaýap, toppen jumys, tapsyrma oryndatý
Ádis - tásili: Aýyzsha áńgimeleý
Pánaralyq baılanys: Jaratylystaný - Ekologıa
Kórnekilik: Fotosýretter, ulaǵatty sózder, tirek - syzbalar, Qazaqstannyń fızıkalyq kartasy, kartochka, test

Sabaq barysy: İ. Uıymdastyrý
İİ. Úı tapsyrmasyn suraý
İİİ. Jańa materıaldy ıgertý
İV. Bekitý
V. Baǵalaý
Vİ. Qorytyndy
Vİİ. Úıge tapsyrma
İ. Uıymdastyrý.
Oqýshylarmen sálemdesý. Oqý - qural jabdyqtaryn qadaǵalaı otyryp, túgendeý.
Kóńil kúılerine mán bere otyryp, úıge berilgen tapsyrmany suraý.

İİ. Úı tapsyrmasyn suraý.
Oqýshylardyń nazaryn úı tapsyrmasyna aýdaramyn da, tómengi suraqtardy qoıamyn:
1. Adamdardyń sharýashylyq áreketinen tabıǵattyń ózgerýin neden baıqaýǵa bolady?
2. Úlken qalalardyń shoǵyrlanýy tabıǵı ortaǵa qandaı áserin tıgizdi?
3. Jer sharyndaǵy adam sanynyń kúrt kóbeıý nege ákep soqty?
4. Tabıǵı júıeniń túpkilikti ózgerýinen qandaı problemalar týyndaýy múmkin?
5. Aýa raıynyń kúrt jylynýynyń saldary qandaı bolmaq?
Búgingi sabaqta úı tapsyrmasy mynadaı oqýshylardan aýyzsha suralady:
Qazbekova G., Aqsaqalov J., Sovetqalı J., Melsov A., Dáýletbaeva Sh.
Atalǵan oqýshylardan úı tapsyrmasy aýyzsha túrde suralady. Al qalǵan oqýshylarǵa
kartochkalarmen jumys tapsyrmasy beriledi.

Kartochka № 1
Qazirgi kezde adamdardyń sharýashylyq qyzmeti tabıǵat tepe - teńdigine qalaı áser etip otyr
Kartochka № 2
Ormanǵa demalýǵa barǵanda jaqqan otyndy óshirmese tabıǵı ortaǵa qandaı zıan keltiredi
Kartochka № 3
Ónerkásip oryndarynyń tabıǵatqa ákeletin zalaly
Kartochka № 4
Erte kezdegi adamdar tabıǵatty qalaı paıdalandy
Kartochka №5
Ne sebepti qala men ormanda aýanyń quramy birkelki emes?
Kartochka №6
Aýa qandaı jaǵdaılardan lastanady?

İİİ. Jańa materıaldy ıgertý.
Kirispe.
Jańa sabaqty túsindirmes buryn mynadaı problemalyq suraqtar qoıamyn
1. Eger adam tabıǵatty qorǵamasa qandaı jaǵdaı bolar edi?
2. Tabıǵatty qorǵaý úshin qandaı shara qoldaný kerek?
Oqýshylarmen birigip mynadaı qorytyndy jasaımyn.
1. Óndiris oryndarynda birtindep tazalaýshy qondyrǵylardy ornatý.
2. Zıany az degen otyn túrlerin paıdalaný.
3. Qaldyqsyz tehnologıaǵa kóshý.
4. Tabıǵı baılyqty tıimdi paıdalaný.
5. Flora men faýnanyń joıylyp ketýinen saqtaıtyn is - sharalardy jedel túrde uıymdastyrý.

Búgin bizdiń ótetin taqyrybymyz «Qorshaǵan ortanyń lastanýy».
«Qorshaǵan orta» sózine túsinik berý. Qorshaǵan orta - adamdar, ósimdikpen janýarlar dúnıesiniń birlesip ómir súrý ortasy. Onyń quramyna gıdrosfera, atmosfera, lıtosfera, bıosfera men jerge jaqyn ǵaryshtyq keńistik jatady. Adam tabıǵattyń bir bólshegi bolǵandyqtan, tabıǵattan tys ómir súre almaıdy.