InfoHub Logo

Bir aýdannyń ákimi Juqadan:

— Siz menen nendeı iltıpat tileısiz? — dep surapty.

— Kimde-kim qatynynan qorqatyn bolsa, maǵan bir esek berýi jóninde qolyma ámir jazyp berseńiz, — depti Juqa.

— Ákim buǵan maqul bolyp, Juqanyń qolyna ámir jazyp beripti. Juqa bul ámirdi alyp el aralaı bastapty. Kimde-kim qatynynan qoryqsa, ákimniń ámirin kórsetip onan bir esek alypty. Kóp ótpeı Juqa bir top esekti aıdap qaıtyp kelipti. Muny kórip qaıran qalǵan ákim ishinen: «maǵan qarasty óńirde osynsha kóp adam áıelinen qorqady eken-aý!» dep oılapty.

Erteńinde Juqa aýdan ákimine baryp, oǵan óziniń qaıtyp kelgendigin jáne jolshybaı estigen-bilgenderin aıta kelip:

— Taqsyr, men bul ret keremet bir sulýdy keziktirdim, jamaly aıdaı, tisi appaq marjandaı, erni shoǵynyqtaı qyzyl. Qasy qara, lebizi ystyq, tal shybyqtaı buralǵannyń ózi eken. Onyń ústine on saýsaǵynan óner tamǵan aqyldy jan kórinedi. Eshkimge bildirtpeı ony sizge ala keldim, — depti.

Qýanyshy qoınyna sımaı, ezýi qulaǵyna jetken ákim qolymen ymdap, Juqaǵa:

— Aqyryn, aqyryn sóıle, Juqa! Myna úıde bizdiń báıbishe bar, estip qoıatyn bolsa, úlken shataq sonda shyǵady, — depti.

Juqa ornynan turyp:

— Taqsyr, siz de qatynyńyzdan qorqasyz ba? Ózińiz túsirgen ámirge ózińiz qaıshylyq jasap, kúná ústine kúnáǵa batyńyz. Qos jaza tartasyz, maǵan eki esek beretin boldyńyz, — depti.

---