InfoHub Logo

Taqyryby: «Qosh bol, balabaqsha!»
Maqsaty: Balalardyń bilimi deńgeıin shyńdap, baqshamen qoshtasýyn sezindirý. Adamgershilikke, syılastyqqa tárbıeleý.
Kórnekilik:
Júrgizýshi: Qurmetti ata - analar, balabaqsha qyzmetkerleri búgin erekshe kún. Óıtkeni búgin bir birneshe jyl tárbıelengen búldirshinderdi uıadan ushyryp, mektepke shyǵaryp salǵaly otyrmyz. Merekelerińiz qutty bolsyn!
Ótti qyzyq kóp kúnder,
Bes jasqa jettińder.
Barasyńdar mektepke,
Bir belesten óttińder.
Ósti aqyl oılaryń,
Ósti mine boılaryń.
Qýanyshqa ortaqpyz,
Qutty bolsyn toılaryń!
Balabaqsha túlekterin qarsy alaıyq!

Taqpaqtar:
Bala, bala, balamyz,
Baqshamyzǵa baramyz.
Kúni boıy qyzyqqa,
Batamyz da qalamyz.

Balabaqsha besigim,
Taǵy bir toı jasaıyq.
Ashyp mektep esigin,
Ózińmen qoshtasaıyq.

Biz qandaımyz, qandaımyz,
Shuǵylaly tańdaımyz.
Kúlimdegen kúndeımiz,
Esh ýaıymdy bilmeımiz.

Talaı qyzyq toı ótkizdik,
Biraq orny bólekshe.
Baqshamyzben qoshtasatyn.
Búgingi toı erekshe.

Bes jasqa tolamyz,
Ádepti bala bolamyz.
Qýantyp ata - anany,
Mektepke ketip baramyz.

Ana tilin ardaqtap,
Sýret salyp, án jattap.
Ana saltyn biz kórdik,
Oqyp jazyp úırendik.

Hor: «Anashym»
Aýdandyq «Jaýqazyn» óner festıváli baıqaýynda kórkem sóz oqýdan 3 oryn júldegeri atanǵan Ýtepbergen Albına men Turlan Abzaldyń kórkem sózin tyńdańyzdar.

Júrgizýshi: - Balalar «5» degen baǵany bilesińder me?
Balalar: - Bilemiz.
Júrgizýshi: Qane aıtyńdarshy bestik baǵa qandaı balalarǵa qoıylady?
Balalar: - Tártipti, sabaqty óte jaqsy oqyǵan balalarǵa qoıady.
«5» baǵa Qurmetti de súıikti balalar! Men senderge «Bilim hanshaıymy» balalardy mektepke barar aldynda bilimderin tekserińder dep jiberdi. Meniń qolymda tapsyrmalar jazylǵan bıletter bar. Sol bıletterdiń jaýabyn oryndalýyn talap etemiz. Men senderdiń jaýaptaryńa qarap, mektepke daıarlyqtaryńdy tekseremin. Men bıletterdi alyp oqımyn, al sender suraqqa jaýap berińder.

Júrgizýshi: Qurmetti ata - analar bir jyl boıyna osy búldirshinderdiń balabaqshadan qandaı tárbıe aldy eken, ne oqyp bildi eken degen suraqtaryńyzǵa jaýap alady dep oılaımyn.

«5» baǵa: - Biz qandaı memlekette turamyz?
- Q. R. prezıdenti kim?
- Q. R. ánuranyn oryndańdar.
- Bir jylda neshe jyl mezgili bar. Atańdar qazir qaı mezgil?
- 1 - 10 deıin týra jáne keri sanańdar.
- Geometrıalyq fıgýralardy ata.
- Senderdiń balabaqshalaryń qalaı atalady?
- Baqshamyzdyń dırektory kim?
- Ádiskeriniń aty kim?
- Topta neshe balasyńdar?
- Toptaryń qalaı atalady?
Balalar hormen, jekelep jaýap beredi.

Bestik baǵa: Rahmet balalar. Endi sendermen qoshtasatyn kez keldi. Men « Bilim hanshaıymyna» senderdiń mektepke daıyndyqtaryńdy jaqsy ekenin aıtyp baraıyn. Balalar men senderge «Bilim hanshaıymynyń» tabys et dep bergen «Bilim kiltin» apaılaryńa tapsyraıyn.
Al balalar sabaqty jaqsy oqyp, tek bestik baǵa alyńdar. Saý bolyńdar!
Er balalar bıi: «Qýyrshaq»

Júrgizýshi: Qurmetti ata - analar, apaılar, balǵyn búldirshinder, ózderin tárbıelep,
mápelep ósirgen tárbıeshi apaılaryna alǵystaryn bir-bir shýmaq óleń
joldarymen bildirgeli tur.

Oryn bergen baqshadan,
Dırektor apaı jaqsy adam.
Sondyqtan da biz úshin,
Orny bólek basqadan.

Vıtamın jep qolyńnan,
Ósken sábı balamyz.
Dáriger apaı sizderge,
Alǵys aıtyp baramyz.

Mańǵystaý oblysy,
Beıneý aýdany, Boranqul selosy
"Boranqul bóbekjaıynda" tárbıeshi
Kydyrbaeva Amangýl Jarylgasynovna