InfoHub Logo

Synyp: 1
Taqyryby: Qosh bol, qutty Álippem!
Maqsaty: Álippeni aıaqtaýdy saltanatty túrde atap ótý. Oqýshylardyń Álippeden ıgergen bilimderin ata - analarǵa, kórermenderge kórsetý. Oqýshylardyń Álippeden alǵan bilimderin tıanaqtaý. Ár oqýshynyń is - áreketteri arqyly ıkemdiligin, qabiletterin kórsetý, shyǵarmashylyq múmkindikterin ashý. «Álippege» baılanysty óleń taqpaqtaryn mánerlep oqýǵa úıretý.
Kórnekilikter: áripter, sharlar, maqal - mátelder, slaıdtar.
Nurbek:
Armysyzdar qurmetti qonaqtar. Búgin biz sheksiz qýanyshtymyz. Sebebi alǵash saýatymyzdy ashqan, jaqyn dosymyz Álippemen qoshtasamyz.
Muǵalim:
Bar bilimniń bastaýy,
Bar ǵylymnyń bastaýy,
Jas balaǵa nur shashqan
Qandaı kitap til ashqan?
Oqýshylar: Álippe!
Áset:
Jaqsy bilim kórimdik,
Bolsyn sizge halaıyq,
Ne úırenip, ne bildik
Káne, ortaǵa salaıyq.
Baqytjan:
Ótti oqý san sabaq
Búgin úlken saltanat
Basqa oqýlyq dostaspaq
Álippemen qoshtaspaq
Nurbol:
Qosh bol qutty Álippe
Til tusaýyn kestiń sen
Aıaly anam bolyp sen
Aıybymdy keshtiń sen

Ásem:
Álippem meniń Álippem
Seni qolǵa alyp men
Esigin ashtym mekteptiń
Erteńgi sáýle jaryǵyn
Alıhan:
Álippe degen altyn jol,
Aparar seni alysqa
Jeńil emes, aýyr jol
Tyrmysyp baq namysqa
Alım:
Bar kitapqa bas bolǵan
Álippe – ǵylym aǵasy.
Álippeden bastalǵan,
Danalyqtyń danasy.
Merýert:
Qosh bol, qutty Álippem,
Kóp nárseni úırettiń
Tanystyryp árippen
Taqyldatyp, sóılettiń