
- 22 shil. 2025 14:59
- 39
Qostanaı oblysynda otbasylyq janjal eki áıeldiń ólimimen aıaqtaldy
Qostanaı oblysynda otbasylyq janjal eki áıeldiń ólimimen aıaqtaldy,-dep habarlaıdy Infohab tilshisi.
15 shilde kúni Qarabalyq aýylyndaǵy turǵyn úıden 39 jáne 74 jastaǵy eki áıeldiń máıiti tabyldy. Qostanaı oblystyq Polısıa departamentiniń málimetinshe, qaıǵyly oqıǵa otbasylyq janjal kezinde bolǵan.
Kisi óltirýge kúdikti retinde 45 jastaǵy jergilikti turǵyn ustaldy. Ol marqumdarmen bir úıde turǵan. Jergilikti aqparat quraldary kúdiktiniń áıeli men enesin pyshaqtap óltirgen bolýy múmkin ekenin jazdy.
Qazir atalǵan fakti boıynsha qylmystyq is qozǵalyp, tergeý amaldary júrip jatyr. Saraptamalar taǵaıyndaldy.
Aýyl turǵyndary qaza tapqan 39 jastaǵy áıeldiń artynda kámeletke tolmaǵan balalary qalǵanyn aıtty.