InfoHub Logo

Sabaq taqyryby: Qosýdyń aýystyrymdylyq qasıeti
1 - synyp
Oqý maqsaty: qosýdyń aýystyrymdylyq qasıetin; 0 jáne 1 - diń qasıetin qoldanady;
bir tańbaly sandardy ondyqtan attamaı qosý kestesin biledi, qurady jáne qoldanady.
Resýrstar: barlyq oqýshyǵa arnalǵan fıshka salynǵan “sıqyrly dorba”;
sandyq sáýle salynǵan paraqsha;
sandyq órnekter jazýǵa arnalǵan jol;
sandar men tirek sózder jazylǵan paraqsha;
“Aýyzsha esepteý” prezentasıasy.
Tirek sózder: Qosýdyń aýystyrymdylyq qasıeti
Sabaqtyń maqsaty: Oqýshylardyń mysaldardy tıimdi ádispen esepteýge bolatyny týraly uǵymyn qalyptastyrý, qosýdyń aýystyrymdylyq qasıetimen tanystyrý, tıimdi ádispen esepteýde aýystyrymdylyq qasıetin qoldanýǵa daǵdylandyrý.
Sabaqqa baılanysty derekti materıaldar
Qosýdyń aýystyrymdylyq qasıeti: qosylǵyshtardyń ornyn aýystyrsa, qosyndy ózgermeıdi. Qosýdyń aýystyrymdylyq qasıeti oqýshylarǵa tıimdi ádispen esepteýdi meńgertedi. Aldyńǵy sabaqtarda atalǵan zańdylyqty tanystyrý boıynsha daıyndyq jumysy júrgizildi. “Bizdi qorshaǵan álem” taqyrybyna sáıkes qosýdyń aýystyrymdylyq qasıetin túsiný úshin sabaq barysynda zattardy qoldanyp, tájirıbelik jumys uıymdastyrý kerek.
Sabaqty aýyzsha esepteý júrgizýden bastańyz. Ony ınteraktıvti taqta arqyly kórsetińiz. Ol úshin prezentasıany qoldanyńyz. Qosý men azaıtýdy, sandyq sáýle men qosý kestesin qoldaný arqyly mysaldardy shyǵarýdy meńgergenderi úshin oqýshylardy maqtańyz.
Kirispe tapsyrma. Juppen jumys uıymdastyryńyz. Juptaǵy ár oqýshyǵa “sıqyrly dorbadan” birneshe fıshkany alyp sanaýdy jáne mysal qurastyrýdy tapsyryńyz. Birneshe juptyń jaýabyn tyńdańyz. Juptaǵy oqýshylarǵa fıshkalarymen aýysyp, dál sondaı jumysty oryndaýdy tapsyryńyz. Oqýshylardan ne baıqaǵanyn surańyz. Jaýaptaryn tyńdańyz. Qandaı qorytyndy jasaýǵa bolatynyn bilińiz.
Óz betinshe qosýdyń aýystyrymdylyq qasıetin tujyrymdaý úshin oqýshylardyń taldaý jumystaryn durys uıymdastyryńyz. Eger qıyndyq týdyrsa, onda ózińiz: “Qosýda sannyń ornyn aýystyrsa, qosyndynyń máni ózgermeıdi” dep tujyrymdańyz.
Qaı kezde esepteý tıimdi boldy dep surańyz: “Úlken sanǵa kishini qosqanda ma, álde kishi sanǵa úlkendi qosqanda ma?” Qosý amalyn oryndaýda sandardyń oryndaryn tıimdi aýystyrý boıynsha naqty mysaldar keltirińiz. Mysaly:
1 + 9 jáne 9 + 1; 3 + 7 jáne 7 + 3.
Oqýshylarǵa qosýdyń aýystyrymdylyq qasıetin durys qoldana bilý tez jáne jeńil esepteýge kómektesetinin aıtyńyz. Sonymen qosýdyń aýystyrymdylyq qasıetin qoldaný tıimdi bolatynyna kózderin jetkizińiz.

Qostanaı oblysy, Qamysty aýdany,
«Qamysty aýdany ákimdigi bilim berý bóliminiń
Krasnooktábr orta mektebi»MM
Bastaýysh synyp muǵalimi
Abeýova Gýljanat Kazymbekovna

Qosýdyń aýystyrymdylyq qasıeti. júkteý