InfoHub Logo

Taqyryby: Oqýshynyń oqý jetistigin baǵalaýdyń zamanaýı ádisteri
Oqýshylardyń oqý jetistikterin krıterıaldy baǵalaý
Maqsaty: oqýshylardyń oqý jetistigin krıterıaldy baǵalaý úshin muǵalimderge praktıkalyq kómek kórsetý.
Mindetteri:
1. Formatıvti baǵalaýdy qoldaný;
2. Baǵalaý krıterıılerimen tanysý;
Baǵalaýdyń jańasha túrleri:
Ózin - ózi baǵalaý;
Toptyq baǵalaý;
Krıterıaldy baǵalaý;
«Baǵdarsham» baǵalaýy;
«Qara jáshik» ishindegi jumys;

Ózin - ózi baǵalaý.
Oqýshylar óziniń jeke jumysyna nemese bir-biriniń jumysyna jaı ǵana baǵa qoıǵannan góri, ózara baǵalaýdyń (jáne ózin - ózi baǵalaýdyń) mańyzy zor. Ondaǵy maqsat - oqýshylarǵa óz jumysynyń sapasyn kóterýge qyzyqtyrý jáne olarǵa ony jaqsartýdyń múmkindigin taldaýǵa kómektesý. Nátıjesinde, bul muǵalimniń jumysyn jeńildetpek, sebebi oqýshylar oqytý úderisi úshin tek muǵalim ǵana jaýapty emes ekendigin túsinedi.

Toptyq baǵalaý.
Oqýshylar toptarda birlesip jumys atqarǵan jaǵdaıda ár toptyń jekelegen músheleri óz úlesterin qosýda úlken jaýapkershilik sezinip, sabaq barysyndaǵy bilimdi ıgerýde aıtarlyqtaı jetistikter jasaıdy. Oqýshylardyń tarazylaý, qorytyndylaý, sheshim qabyldaý sıaqty mańyzdy daǵdylaryn qalyptastyrýdyń eń ońtaıly ádisi. Bul ádiste barlyq 3 toptyń da oqýshylary baǵalanady. Sabaqtyń josparlanǵan is - áreketter barysynda usynylatyn tapsyrmalardy retimen jaýap bergen nemese óz toby úshin úles qosqan, jumystaryn sátti qorǵaǵan oqýshylar óz tobynyń tusynan esimderi jazylǵan stıkerlerdiń ilinýi arqyly baǵalanady. Nátıjesinde ár top músheleri batyl belsendilikpen jyldam oılaýǵa, durys anyqtamalar men derekter keltirýge, óz tobyndaǵy úlgerimi tómendeý oqýshylardyń jaýap berýine top belsendileriniń aralasýyna, bir - birine jan aıamaı kómek kórsetedi. Sondaı - aq bul baǵalaý túrinde barlyq synyp oqýshylary sabaqqa túgel qatysady, ári túgel baǵalanyp, yntymaqtastyqpen óz jaýapkershilikterin sezinedi.

Krıterıaldy baǵalaý.
Oqýshylardyń ózin - ózi baǵalaý jáne ózara baǵalaý úderisteriniń damýyna yqpal etý maqsatynda sabaqta krıterıaldy baǵalaýdy tabysty qoldaný. Top baǵalaýshysy óz tobynyń múshelerin paraqshaǵa tolyq túsiredi. Sodan sabaq barysyndaǵy bergen jaýaptaryn 4 túrli krıterııler arqyly 5 baldyq júıemen belgileıdi. Tómende kórsetilgen krıterıaldy baǵalaýdyń krıterııleri:
- toptyq jumystaǵy belsendiligi;
- oqýshynyń izdenisi;
- suraımyz - jaýap beremiz;
- óz jumysyn qorǵaýy.
Osy krıterıılerdiń jalpy balyn eseptep, jıyntyq baǵany belgileý – top ishindegi jumystyń jan - jaqty órbýine, izdenýine jáne árqaısysynyń jeke pikirin tyńdaǵanda bir - birine qurmetpen qaraǵandyqtary baıqaldy.

Oqýshynyń oqý jetistigin baǵalaýdyń zamanaýı ádisteri. júkteý