InfoHub Logo

Bilim berý salasy: "Qatynas"
Uıymdastyrylǵan oqý is - áreketi: Til damytý
Taqyryby: Qoıanmen tanystyrý
Maqsaty: Balalardy qoıanmen tanystyra otyryp, qoıan týraly túsinikterin qalyptastyrý, sýret arqyly onyń dene múshelerimen tanystyrý. 1 - 2 sandary týraly qarapaıym bilimderin anyqtaý. Balalardyń zeıinin, este saqtaý qabiletterin jetildirý.
Ádis - tásili: Túsindirý, suraq - jaýap, qımyldy áýen, tosyn sát, madaqtaý
Kórnekiligi: Qasqyr men qoıan keıipkerleri, sýretti kartochkalar, sábiz, tordaǵy tiri qoıan, teledıdar
Pánaralyq baılanys: Til damytý, án - áýez
- Balalar qarańdarshy, bizge búgin qanshama qonaqtar kelip otyr, amandasaıyqshy!
- Sálemetsizder me!
Balalardy terezege jaqyn aparyp baqylatý.
- Qazir jyldyń qaı mezgili?
- Qys mezgili
- Dalada ne jaýǵan?
- Qar jaýǵan
- Qardyń túsi qandaı?
- Qardyń túsi aq
- Taǵy ne kórip tursyńdar?
- Aǵashtar, qustar
- Ia, bul qustar qarǵalar eken.
- Qarǵa qaıtip dybys shyǵarady?
- Qarq - qarq
Osy kezde qoıandy qasqyr qýyp topqa kirip keledi. Qoıan balalardyń artyna jasyrynyp qalady.
- Qasqyr, bul «Bóbekter» toby, sen munda ne istep júrsiń?
- Men qoıandardy unatamyn, men ony jeımin. (Tilimen ernin jalaıdy)
- Balalar, biz qasqyrǵa qoıandy jegizemiz be?
- Joq, joq. Qane qasqyr, tabanyńdy jaltyrat!
Balalar aıaqtaryn tarsyldatyp qasqyrdy qýyp jiberedi.
- Qoıan, sen tyǵylma beri shyǵa ǵoı, bizdiń balalar qasqyrdy qýyp jiberdi. Balalar, bul kim?
- Bul qoıan
- Ia, bul bizge jańa jyldyq shyrshadan kelgen qoıan. Qoıandy ortamyzǵa alyp, jaqynyraq tanysaıyq.
Sýret arqyly áńgimeleý.
- Sýrettegi qoıannyń túsi qandaı?
- Túsi aq.
- Ia, qysta qoıannyń túsi, qardyń túsindeı aq bolady. Qoıan bizge kózimen qarap tur. Qane, qoıannyń kózin sanaıyqshy.
- Bir kóz, eki kóz.
- Murny qaısy kim kórsetedi? (Balalar kórsetedi)
- Qulaǵy qandaı?
- Qulaǵy uzyn.
- Qulaǵyn sanaıyqshy
- Bir qulaq, eki qulaq
- Aıaqtary qaıda? (Balalar kórsetip, sanaıdy)
- Ornymyzdan turyp, qoıan qalaı sekiredi eken kórseteıikshi.
Balalar qoıan bolyp sekiredi.
- Endi, sender tiri qoıan kórgileriń kele me?
- Ia, kórgimiz keledi.
- Endeshe, kózderińdi eki qoldaryńmen basyp juma qoıyńdar.
Torǵa qamalǵan qoıandy shyǵarady
- Al, endi kózderińdi asha qoıyńdar. Bul kádimgi ormanda júretin qoıan. Onyń júni úlpildek, jumsaq bolady. (Balalar sıpalap kóredi)
- Qoıan ne jeıdi?
- Sábiz jeıdi.
- Ia, qoıannyń súıikti taǵamy sábiz, qyryqqabat, kók shóp jáne sý ishedi. Qanekeı, qoıanǵa sábiz bereıik. (Balalar qoıanǵa sábiz beredi)
- Endi, qoıanǵa arnalǵan ánimizdi aıtyp bereıik (Balalar án aıtady)
- Jaraısyńdar, balalar! Búgin sender qoıandy qasqyrdan aman alyp qaldyńdar. Tordaǵy qoıanmen tanysyp, oǵan arnap án de aıtyp berdik. Osy qyzyqty sátimizdi teledıdardan múltfılm kórýmen jalǵastyraıyq.
«Qap, bálem» múltfılmi.
Kútiletin nátıje:
Bilýi: Balalar qoıannyń dene múshelerimen tanysyp, ataı biledi.
Meńgerýi: Dene múshelerin sanaý arqyly kórsetedi, salystyrmaly túrde ajyrata bilýdi meńgeredi
Jasaı alýy: Qoıannyń qımylyn kórsetip jasaı alady.