InfoHub Logo

Aqtóbe oblystyq arnaıy (túzetim) estý qabileti buzylǵan
balalar mektep - ınternat – koleji
Majıkova Kenjegúl Qystaýbaıqyzy

Densaýlyq saǵaty
Sabaq taqyryby: Qozǵalys jáne kóńil kúı
Maqsaty: qozǵalys belsendiliginiń adam aǵzasyna jáne kóńil kúıge áserin túsindirý; salaýatty ómir saltyn ustanýǵa tárbıeleý;
este saqtaý, oılaý, sóıleý qabiletterin jetildirý;
túzetim jumystaryn júrgizý
Sózdik: qozǵalys, áseri
Kórnekilikter: prezentasıalar, túrli - tústi boıaý, kýbık
Sabaqtyń túri: saıahat - sabaq
Qoldanylatyn ádister; kýbızm, suraq - jaýap, saýsaqpen sýret salý, aromaterapıa, densaýlyq saqtaý tehnologıalary
Sabaq barysy:

İ. Uıymdastyrý.
Meıirimdi júrekpen
Aq peıildi tilekpen
Amandasyp alaıyq,
Bir jadyrap qalaıyq!
Estý apparattaryn tekserý
- Sen qalaı estısiń?
- Men jaqsy estımin.
- Qazir qandaı sabaq bolady?
- Qazir densaýlyq saǵaty bolady.

Sabaq erejesi:
 Muqıat tyńdaımyz.
 Oıymyzdy ashyq aıtamyz.
 Bir - birimizge kedergi keltirmeımiz.
 Tynysh otyramyz.

Psıhologıalyq beıimdeý. «Kóńil - kúı úılesimi»
Kóńil kúıleriń qalaı?
Ne sebepti kóńilderiń kóterińki? (Sebebi, biz ádemi kıinip otyrmyz, aınalamyz ádemi, ózimizdi jaqsy sezinip otyrmyz, kún sáýlesi jarqyrap tur, aýa raıy tamasha, t. b.) Ár oqýshy tústerdi tańdap, sol túske baılanysty kóńil kúıin sıpattaıdy: Men qazir kúndeı kóńildimin, kóńilim aspandaı taza, kóńil kúıim qyzyl gúldeı jaınap tur, jasyl shópteı názikpin, t. b.
Kezekshi dybys [B - P], [D - T] – dybystardy anyq aıtý
Bala, bala bal eken
Ana bıik pana eken.
Dúrs - dúrs soǵyp júregi
Tek jaqsylyq tilegi.
Til jattyǵýy.
- Qaıyrjan, Turardan sura, búgin aýa raıy qandaı?
- Densaýlyq saǵaty sabaǵynda ne týraly aıtamyz?
- Densaýlyq úshin ne qajet?

İİ. Negizgi bólim.
a) Sabaqtyń taqyrybyn oqytý (jeke, toppen, qatty, aqyryn, jaı, sybyrlap)
á) sózdikpen jumys qozǵalys – qımyldaý, júrý, júzý, bıleý, jattyǵý jasaý, t. b.
b) Búgin biz saıahatqa attanamyz.
Estý qabiletterin arttyrý maqsatynda kólik túrleriniń daýysy estiledi.
- Bul neniń daýysy?
- Bul – mashınanyń daýysy.
- Neniń daýysy?
- Poezdyń daýysy.
- Neniń daýysy?
- Ushaqtyń daýysy.
- Neniń dybysyn estip tursyń?
- Kemeniń dybysyn estip turmyn.
- Biz búgin jaıaý «Ertegiler eline attanamyz».
Áýenniń yrǵaǵymen bas kıimderin kıip, rúkzakty asynyp, saıahatqa attanamyz.
Ormannyń dybysy. Tańǵy shyqty seziný. Tańǵy shyqtyń ústimen júremiz. Kógalǵa otyramyz. Demalamyz. Kógalǵa aýnaımyz. Túrli aǵashtar men gúlderdiń ıisteri qandaı keremet!
Sıyrdyń daýysy estiledi?
- Neniń daýysy?
- Sıyrdyń daýysy.
- Balalar, bul qaı ertegi keıipkerleri?
- «Maqta qyz» ertegisiniń keıipkerleri.
Ertegi keıipkerleriniń tapsyrmasyn oryndaý. Tapsyrma ekrannan dybystalady.

1. Sıyrdyń tapsyrmasy: Qozǵalystyń densaýlyqqa paıdasyn bilgileriń kele me? «Qozǵalys músinin» jasap kórińder!
Oqýshylar mýzyka yrǵaǵymen túrli qımyldar jasaıdy. «Toqta!» degendi estigen soń, bir orynda turyp qalady.
- Sender ne jasadyńdar?
- Biz densaýlyq músinin jasadyq.

2. Aǵashtyń tapsyrmasy: Japyraqtardy tústeri men kólemine qaraı jınaı otyryp, sózder qurastyr, sózderden sóılem qurańdar! (Deni saýdyń – jany saý)

3. Qyzdardyń tapsyrmasy: «Kóńil - kúıiń qandaı?» Sýrettegi adamdardyń kóńil kúıine baılanysty sóılemder aıtady.
• qýaný
• ótinish
• renjý
• tańdaný
• ashýlaný
4. Taýyqtyń tapsyrmasy: «Dánderdiń arasynan izdep tap» oqýshylar dánderdiń arasynan tapqan usaq zattyń atyn, túsin ataıdy. (Men kók tústi túıme taptym, t. s. s.)
5. Tyshqan Oıyn «4 sýret, 1 sóz»
Qozǵalys.
Kóńil kúı.
Sergitý. Betimizge mysyq sekildi boıaý jaǵyp, mysyqpen birge bıleıik.

İİİ. Qorytyndy.
- Kórdińder me, mysyq ta sendermen birge saıahattap, kóńili kóterilip qaldy. Ol densaýlyq úshin ne qajet ekenin bildi, Maqta qyzǵa baryp, búgin kórgenderin aıtyp beretin boldy.
Biz sabaqta ne istedik?
- Tyńdadyq, suraqqa jaýap berdik, oınadyq, bıledik, saıahat jasadyq.
- Qandaı tapsyrmalar oryndadyńdar?
Kýbıkter arqyly suraq - jaýap
1. Kók tústiń suraǵy: Sabaqta saǵan ne unady?
2. Jasyl tústiń suraǵy: Sabaqta saǵan ne qıyn boldy?
3. Sary tústiń suraǵy: Sabaqtan neni úırendiń?
4. Qyzyl tústiń suraǵy: Sabaqta ne unamady?
Refleksıa «Bári óz qolyńda» alaqandy boıaýǵa malyp, aldaryńdaǵy áınekke sýret salyńdar. Jaqsy tilek aıtyńdar.
Oqýshylardy madaqtaý.
Aıaqtaý