InfoHub Logo

Qazaqstan Respýblıkasy Bilim jáne ǵylym mınıstrliginiń buıryǵymen «Bilim berý qyzmetine lısenzıa berý»  memlekettik kórsetiletin qyzmet reglamenti bekitildi. «QazAqparat» HAA qujattyń tolyq mátinin oqyrman nazaryna usynady.

Qazaqstan Respýblıkasy Bilim jáne ǵylym mınıstrliginiń buıryǵy  №357

2015 jylǵy 2 maýsym, Astana qalasy

«Bilim berý qyzmetine lısenzıa berý»  memlekettik kórsetiletin qyzmet reglamentin bekitý týraly

«Memlekettik kórsetiletin qyzmetter týraly» Qazaqstan Respýblıkasy Zańynyń 10-babynyń 2) tarmaqshasyna sáıkes buıyramyn:

1. Qosa berilip otyrǵan «Bilim berý qyzmetine lısenzıa berý» memlekettik kórsetiletin qyzmet reglamenti bekitilsin.

2. «Bilim jáne ǵylym salasyndaǵy memlekettik kórsetiletin qyzmetter reglamentterin bekitý týraly» Qazaqstan Respýblıkasy Bilim jáne ǵylym mınıstriniń 2014 jylǵy 20 maýsymdaǵy № 235 buıryǵynyń 1-tarmaǵy 5) tarmaqshasynyń (Normatıvtik quqyqtyq aktilerdi memlekettik tirkeý tiziliminde № 9604 bolyp tirkelgen, «Egemen Qazaqstan» gazetiniń 2014 jylǵy 30 qazanda № 212 (28435) sanynda jarıalanǵan) kúshi joıyldy dep tanylsyn.

3. Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıteti (S.Núsýpov) zańnamada belgilengen tártippen:

1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;

2) Qazaqstan Respýblıkasy Ádilet mınıstrliginde memlekettik tirkeýden ótken soń osy buıryqty resmı jarıalaýdy;

3) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrýdy qamtamasyz etsin.

4. Osy buıryqtyń oryndalýyn baqylaý Qazaqstan Respýblıkasy Bilim jáne ǵylym vıse-mınıstri T.O. Balyqbaevqa júktelsin.

5. Osy buıryq alǵashqy resmı jarıalanǵan kúninen keıin kúntizbelik jıyrma bir kún ótken soń qoldanysqa engiziledi.

Mınıstr A.SÁRİNJİPOV.

Qazaqstan Respýblıkasy Bilim jáne ǵylym mınıstriniń 2015 jylǵy 2 maýsymdaǵy №357 buıryǵymen bekitilgen.

Buıryq Qazaqstan Respýblıkasynyń Ádilet mınıstrliginde 2015 jylǵy 3 shildedegi Normatıvtik quqyqtyq kesimderdi memlekettik tirkeýdiń tizilimine №11563 bolyp engizildi.

«Bilim berý qyzmetine lısenzıa berý» memlekettik kórsetiletin qyzmet reglamenti mátini resmı BAQ-ta jarıalanǵan.

---