InfoHub Logo

Tanymal aktrısa ári prodúser Móldir Muqan jelidegi paraqshasynda jańa jazbasyn jarıalady.

Móldir Muqan Instagram jelisindegi resmı paraqshasynda jarıalaǵan vıdeosynda úlken qyzy Ádemin áýejaıdan kútip alǵan sáti kórinedi.

«Bul qýanyshymdy sózben aıtyp jetkize almaı turmyn. Ádemoǵym aman-esen úıge jetti. Álemde tynyshtyq bolsyn!» – dep jazdy Móldir Muqan.

Buǵan deıin Móldir Muqan ázilkesh Tursynbek Qabatovpen ajyrasý týraly alǵash ret ashyq aıtyp, bul sheshimge qalaı kelgenin bólisken edi. Óner ıesi bul jaıynda jýrnalıs Janar Baısemizge bergen suhbatynda baıandaǵan. Onyń aıtýynsha, otbasyn saqtap qalý úshin uzaq jyldar boıy tyrysqanymen, aqyry ajyrasýǵa májbúr bolǵan.

Móldir Muqannyń sózinshe, olardyń nekesiniń uzaq ýaqytqa sozylýyna basty sebep – úmittiń úzilmeýi.

«On tórt jylǵa sozylýdyń sebebi – úzilmegen úmit. Bes balam bar, sondyqtan otbasymnyń buzylǵanyn qalamadym. Bir kúni Tursynbekten "Sonymen ne isteımiz, ajyrasamyz ba?" degen sms keldi. Ol birinshi qadamdy men jasaǵanymdy qalaǵan sıaqty. Men ony bes saýsaǵymdaı bilemin. Sóıtip, birinshi aryz jazýǵa týra keldi», – dedi ol.

Prodúserdiń aıtýynsha, ýaqyt óte kele erli-zaıyptylardyń arasyndaǵy qarym-qatynas salqyndap, aradaǵy únsizdik kúsheıgen.

«Maǵan óte aýyr boldy. Júregim qan jylady. Sol kezde ol "Biz qalaı ajyrasamyz, bárin birge jasadyq qoı" dedi. Basynda sol sózder meni ustap qalatyn. Biraq keıin ol úıden jıi ketip qalatyn boldy», – dep eske aldy ánshi.

Soǵan qaramastan, Móldir Muqan burynǵy kúıeýine qatysty jyly pikir bildirip, onyń balalarǵa qamqor áke ekenin atap ótti. Alaıda erli-zaıyptylar arasyndaǵy túsinispeýshilik aqyry sheshilmegen.

«Tursynbek – jaqsy áke. Biraq men ózimdi kúıeýi bar adammyn ba, joqpyn ba – sony túsinbeı qaldym. Bul tek bizdiń taǵdyrymyz emes, balalarymyzdyń ómirine de áser etti. Sol sebepti osyndaı sheshim qabyldaýǵa týra keldi», – dedi prodúser.