Qulyn, qozy, laq
Jaz. Óriste laq, qulyn, qozy kezdese ketti. İshi pysqan olar birigip oınamaq boldy. Áýeli nendeı oıyn qyzyq ekenin talqyǵa saldy.
Sózdi aq laq bastady.
— Oıynnyń qyzyǵy taýǵa shyǵý. Tastan sekirý. Ári qan taraıdy, ári etti bolasyń.
Qoshaqan laqtyń sózin jaratpady.
— Sekirip, atylyp oınaý oıyn emes. Oıynnyń qyzyǵy qoshqarǵa sart-surt súzgizý. Ári kúshiń tolady, ári bulshyqetiń qataıady.
— Senderdiń oıyndaryń kóńilge qonbaıdy. Oınaǵan soń shapqylap jarysaıyq. Tura qalyp tebiseıik, — dedi qulyn.
Úsheýi qyzylkeńirdek bolyp uzaq keristi. Aqyry kelise almaı, árqaısysy óz jónderine ketti.
You Might Also Like
-
Ustaz - Qarataýdyń qoınaýyndaı tereńde jatqan kendi ashyp, bilim men ǵylymnyń jemisiniń dámin tattyratyn, armansyzǵa arman uıalatyp, qanatsyzǵa daryn qanatyn bitiretin ǵajaıyp kúsh ıesi.
