InfoHub Logo

Taqyryby: «Elimniń baqytyn terbetken Táýelsizdik»
Barysy:
«Toıbastar» kúıi. (habarlanbaıdy)
1-júrgizýshi:
Armysyzdar, qurmetti ustazdar, oqýshylar jáne qadirmendi qonaqtar! Búgingi Táýelsizdigimizdiń 29 jyldyǵyna arnalǵan «Elimniń baqytyn terbetken Táýelsizdik» atty merekelik keshimizge qosh keldińizder!
Táýelsizdik - eń basty qundylyǵymyz. Táýelsizdikke qantógissiz, beıbit túrde qol jetkizgennen keıin ǵana elimizdi álemniń órkennıetti memleketteriniń qataryna qosa aldyq. 29 jyl ishinde táýelsiz Qazaq elin qalyptastyryp, naryqtyń qıyn ótkelekterinen aman ótkizip kelemiz. Osy kezeńde Qazaqstandy dúnıe dıdaryndaǵy eń myqty memleketter tanıtyndaı, syılaıtyndaı deńgeıge jetkizgen tuńǵysh Nursultan Nazarbaevtaı kóregen saıasatkerdiń eren eńbegin dál búgin jáne árqshanda aıtyp ótemiz.
Táýelsizdik kúni elimizdiń barlyq azamattary úshin orny erekshe mereke dep bilemiz, sebebi, osynaý júrekjardy qýanyshqa toly kúndi ata-babalarymyz ǵasyrlar boıy armandap, kútýmen ótti.

2-júrgizýshi:
Armandardy jaqyndatyp tym alys,
Bizdiń jaqqa jetken eken jyly aǵys.
Egemendik - el baqyty, erteńi,
O, halaıyq! Qutty bolsyn qýanysh!

Azat ólkem kúndeı kúlgen shyǵystan,
Asyl elim jan - júrekti uǵysqan.
Ata babam ańsap ótken baqytym,
Aınalaıyn, Qazaqstan - Gúlstan!

Kaztalovka orta mektebiniń kórkemónerpazdarynyń shaǵyn konserttik baǵdarlamasyn qabyl alyńyzdar.

Oqýshylar sálemdemesi (20 oqýshy)

1-júrgizýshi:
Keń baıtaq, kóz jetpeıtin jerim meniń
Taýly orman, jasyl jaılaý kólim meniń
Búginde bar álemge dańqyń jetti
Táýelsiz Qazaqstan – elim meniń

Án «Qazaqstan» oryndaıtyn 10 - synyp oqýshysy: Rahmet Saıa.

2-júrgizýshi:
Quttyqtaý sóz kezegi mektebimizdiń dırektory Talpahov Albert Asqarulyna beriledi.

1-júrgizýshi:
Kúı, seni tátti kórem, janym súıip,
Tyńdaımyn tynym almaı, janyp-kúıip
Ómirdiń syryn ashyp júregime
Mýzanyń ámirine basymdy ıip.
Alaıyq eski kúıdiń bárin jıyp,
Jandyrǵan oı-qıaldy qalyń kúıik
Sherttirip qunarlyraq dombyraǵa
Terbelip yrǵaǵyna tamyljıyq

«Balbyraýyn» kúıi. Oryndaıtyn: Erbolat Erkin jáne Hoıshına Ásem
Baqytym-Respýblıkam Qazaqstan,
Kóginde aq kógershin, qazdar ushqan.
Saǵan jetpes qushaǵy álemniń de,
Qys bolsa, bir shetinde jaz aýysqan.
Aldaryńyzda bıshiler tobynyń oryndaýynda «Altynaı bıi»

2-júrgizýshi:
Qazaq deıtin meniń bir elim,
Jatyr alyp jarty dúnıe álemin.
Bul dalany anam jaspen sýarǵan,
Bul dalaǵa jylap kelip qýanǵan, -dep Qasym Amanjolov aǵamyz jyrlaǵandaı, keń baıtaq jerimizde qazaq halqynyń basynan ne ótpedi deseńizshi.Talaı qıyndyqty bastan keshirse de, eshqashan moıymaı, kúrese bildi. Azattyq tańy týatynyna kámil senip, úmitterin úzbedi.

Sol kúnder ǵoı júrektiń ańsaǵany,
Soǵan shóldep, shólirkep tamsanady,
Ókinish pe, bilmeımin qýanysh pa
Óz-ózinen júregim án salady.
«Tumar» dýetiniń oryndaýynda án «Alǵa, qazaq, jigitteri»

«Ornynda bar ońalar» demekshi, el ornynda, jer ornynda, jerge jeter baılyq joq. Jer bolsa, el bolady, el bolsa er bolady. Erlerimizdiń arqasynda «Qazaqstan» egemendi el bolyp, dúnıejúzine tanyldy. 120-dan asa ult ókilderi turatyn osynaý qasıetti mekende, asqaqtaǵan ólkede, keńshiligi keremet darhan dastarhandaı dalada, egini teńizdeı tolqyǵan, tórt túligi órbigen, óndirisi órkendegen mekende ómir súrýshi árbir adam óz Otanyn janyndaı súıip, onyń kók baıraǵyn kókke kóterýdi maqtanysh tutady.

Qazaqpyn, eńseli elmin egemendi,
Keńeıttim keń álemge keregemdi.
Muhıttyń ar jaǵynda jatqan jurttar
Tanydy tepe-teń dep terezemdi.
Qazaqpyn, qoınaýy-qut, jeri-darhan,
Ánimdi bes qurlyqtyń bárinde aıtam.
Án: «Jasa, Qazaqstan!» oryndaıtyn: 9-synyp oqýshysy Tasbolatov Baýyrjan.

Jeltoqsan – zaman tolǵaǵy baıtaq dalanyń,
Sharpyǵan sáti úmit pen kúdik qalanyń
Jeltoqsan – Qaırat, Lázzat, Sabıra
Qurbany bolǵan jalanyń
Al qoǵamnyń adamnan bar ma asyly,
Ketkende joq qulaqtan zar basylyp,
Buǵaýdaǵy bozdaqtary kete bardy
Biri atylyp, al biri darǵa asylyp

1-júrgizýshi: Barlyq ulttyń basyn qosty bul dostyq
Uly dostyq
Nurly dostyq
Kún dostyq
Dostyq degen qasıetti uranǵa
Keń dalanyń júregi de ún qosty
Bıshi qyzdar bıimen de ún qosty

«Shattyq» bıi. Oryndaıtyn 9-synyp oqýshylary – Shamuratova Jadyra jáne Tólegenova Aıza.
2-júrgizýshi: Qasıetti Qazaqstan mekenim,
Aqıqattyń altyn besigi ekensiń.
Elim, jerim, Otanym – baq-dáýletim,
Bolashaǵym, óner-bilim, órkenim.

Beıbit ómir tileımin men halqyma
Týǵan tilim shubarlanba jarqyra
Tarıhymyzda talanttylar kóbeısin
Bas ıemin ata baba rýhyna.
Boıymda áni bulaq jatyr burqyrap

Sol bulaqtan syr aǵyzdym jyr qurap
Tileıtinim barsha jurtqa bir ǵana
Yrys, baqyt, tatýlyq pen yntymaq.

Án: «Qazaqstanym» Oryndaıtyn: 6-synyp oqýshysy Kabır Ásem.
(Barsha bala artynda shyǵyp turady, qoldarynda shar men jalaýsha)
2-júrgizýshi:
Tý tigildi halqymnyń búgin baǵyna
Jas órender jelbiretip nyq usta
Ǵasyrlarǵa jalǵastyryp eldikti
Daq túsirme ata baba rýhyna
Úlgi bizge atalardyń erligi
Ulaǵaty ónegesi eńbegi
Táýelsizdik týyn ustap joǵary
Búgingi urpaq bolar eldiń erteńi deı kele búgingi táýelsizdigimizdiń
20jyldyǵyna arnalǵan «Elimniń baqytyn terbetken Táýelsizdik» atty merekelik keshimiz óz máresine de kelip jetti.

Qazaq elim!
Týdy jastyq dáýiriń.
Alǵandaısyń juldyzyńnyń jaryǵyn.
Táýelsizdik qutty bolsyn, qymbattym,
Týǵan kúniń qutty bolsyn, alybym!

Táýelsizdigimizdiń tuǵyry bıik, halqymyzdyń eńsesi joǵary, egemendigimiz baıandy bolsyn dep tileıik, aǵaıyn.

Kelesi kezdeskenshe saý salamatta bolyńyzdar!

Ótegenova Nabıa Tólegenqyzy
Qazaq tili men ádebıeti jáne ózin-ózi taný pániniń muǵalimi
BQO Kaztalov aýdany, Kaztalov aýyly, Kaztalovka OJBBM