InfoHub Logo

"Ulttyq tárbıe - ult bolashaǵy"
Bolashaq urpaǵymyzdy tárbıelegende, olarǵa jastaıynan ımandylyq pen ulttyq qasıetterdi sińire bilsek, sonda ǵana biz ulttyq rýhy damyǵan, otanynyń gúldenýine úles qosa alatyn azamat ósire alamyz
Elbasy N. Á. Nazarbaev
Balabaqsha – balanyń júıeli túrde bilim – tárbıe alatyn eń alǵashqy qoǵamdyq oshaǵy. Bilim qazynasyn balabaqshadaǵy tárbıelenýshi búldirshinderdiń boıyna sinirip, olardyń bolashaqtaryna ıgi yqpal etý negizgi mindetimiz. Elordamyzdyń tórinde ornalasqan №71 «Móldir» balabaqshasy bul – meıirimge toly bólek álem. Balabaqshamyzda ár balanyń jan dúnıesin sezinip, ony aıalaýǵa, baǵalaýǵa, qurmetteýge úıretemiz.
Balabaqshamyzdyń basty mindeti ult ómirin órkendetýshi sanaly da salaýatty, ultjandy, rýhy bıik, aqyl – parasaty mol, mádenı ǵylymı órisi keń urpaqty tárbıeleý. Bul mindetti, árıne, bala tárbıesine jaýapty tárbıeshilerimiz júzege asyrady. Jas urpaqqa sanaly tárbıe jáne sapaly bilim berý deńgeıi eń aldymen pedagogtiń daıarlyǵyna, onyń is - tájirıbesiniń qalyptasyp, shyńdalýyna baılanysty.
Qazirgi bilimniń bolashaǵy mol faktorlarynyń biri – patrıottyq tárbıe. Bizdiń baqshamyzda ulttyq patrıottyq tárbıeniń basty mekeni dep aıta alamyz.
Balabaqshamyzda ashylǵan jyldan bastap ulttyq tárbıege basym baǵyt berilgen. Alash zıalylarynyń oı - tolǵamdarynan týyndaǵan N. Orazahynovanyń «Satylaı keshendi oqytý» tehnologıasy bizdiń tájirıbelik alańymyzda jas urpaqqa tárbıe berýmen qatar ulttyq tárbıeniń negizin qalap keledi. Osy tehnologıany «Balalarǵa rýhanı - adamgershilik tárbıe berý arqyly ulttyq patrıotızmge tárbıeleý» klasteri arqyly búldirshinderimizdiń baılanystyryp sóıleý mashyǵyn qalyptastyrý maqsatynda qalalyq semınar uıymdastyryldy.
Klaster boıynsha seriktes №24 «Aınalaıyn», №6 «Kóktem», №13 «Tulpar», №58 «Órken» balabaqshalarymen tyǵyz is - sharalar júrgizilip keledi.
Ulttyq tárbıeniń bastaýy balabaqshamen qatar otbasynda da júzege asýy tıis. Sondyqtan da semınarǵa búldirshinderimizben qatar ata - analarymyz da belsene qatysyp Abaı Qunanbaıulynyń 175 jyldyǵyna oraı «Ulylardyń ulysy - Abaı» atty ádebı saıysta Abaıdyń murasyn nasıhattaýǵa óz úlesterin qosty.
Mundaǵy maqsat: ulttyq baılyǵymyzdy ıgerý, ulttyq sanamyzdy damytý úshin balabaqsha, ata - ana, qoǵam birlese otyryp, jas urpaqty tilin, salt - dástúrin, tarıhyn, qurmetteıtin tulǵa etip qalyptastyrý.
Inovasıa tehnologıa ádiskeri: Domova A. N.