InfoHub Logo

Sabaqtyń taqyryby: «Qurylysshy bolǵym keledi»
Sabaqtyń maqsaty: Saýat ashý oıyn – sabaq barysynda balalardyń daýysty, daýyssyz dybystar týraly bilimderin keńeıtý, ótken dybystardy jáne olardyń áriptik tańbalaryn ajyrata otyryp, oılaý qabiletterin jáne shyǵarmashylyǵyn damytý, qurylysshy mamandyǵyn qurmetteýge tárbıeleý.
Kórneki – quraldar: Úlgi sýretter, teksheler, jelim, maqta, túrli – tústi qaǵazdar, sirińkeler.
Ádis – tásilder: Túsindirý, suraq – jaýap, taldaý, oıyndar.

Sabaqtyń barysy: İ. Uıymdastyrý kezeńi.
İİ. Kirispe áńgime.
- Balalar biz búgin qurylysshy bolamyz. Búgingi sabaqta úı qurastyramyz. Úı salý úshin biz bilimimizdi tekserip, birneshe tapsyrma oryndaımyz.

Dıdaktıkalyq oıyn: «Quraldardyń ıesi kim?»
Oıyn barysynda ártúrli mamandyq ıesine qajetti birneshe quraldardyń atyn jáne onyń ıesin kim ekenin dopty laqtyrý arqyly balalardan suraý.
Mysaly: Qaıshy, taraq, aına qaı mamandyqtyń quraly? (Shashtarazdyń). Maqta, ıne, dári bul qaı mamandyqtyń quraly? (Dárigerdiń).
Al, endi kelesi mamandyq ıesine qatysty jumbaq jasyramyn, sony taýyp kórińdershi?
Qolda temir qalaǵym,
Sazdan saraı salamyn. (Qurylysshy)
İ tapsyrma: Myna sýretterdiń ishinen biz ótken dybystardy taýyp, sol sózge sóılem qurap, býynǵa bólý.
İİ tapsyrma: Tárbıeshi ertegilerdegi keıipkerlerdi ataıdy. Erteginiń atyn tabý (balalardyń jaýaby).
İİİ tapsyrama: Sirińkeniń ishinen biz ótken sandardy, geometrıalyq pishinderdi qurastyrý.
IV tapsyrma: «Býynǵa býyn qos» degen oıyn.
Mysaly: A - na, A - ǵa, Ta - ǵa, A - pa, Pa - pa, Par - ta, Sa - ǵat.
Oıyn maqsaty: Balalarǵa sózdegi ekinshi býyndy taýyp aıtýǵa úıretý.

- Balalar, tapsyrma ońaı boldy ma? Sózderdiń ekinshi býynyn taýyp, aıta aldyq pa?
Tapsyrmany báriń jaqsy oryndadyńdar balalar. Endi úı qurastyrýǵa kiriseıik. Myna sýretterdiń ishinen ózderińe unaǵan úılerdi qurastyrýǵa bolady. Osy kezde ortaǵa Mystan kempir kirip keledi.
Mystan kempir: Oı, sumdyq – aı! Meniń úıim janyp ketti. Endi ne isteımin. Úshtóbe qalasynda № 97 «Ertóstik» balabaqshasynyń «Báısheshek» tobynda qurylysshy uldar men qyzdar bar eken. Sony estip keldim. Balalar maǵan kómektesesińder me?
Balalar jaraıdy dep jaýap beredi.

Tárbıeshi:
Mystan kempir myna úılerdiń ishinen saǵan qaı úıdi qurastyryp bereıik. Mystan kempir bir úıdi tańdap alady.
Balalardyń ózindik jumystary. Balalar jumysyn taldaý, olardy madaqtaý.
Tárbıeshi: Oı, keremet, qansha kóp Mystan kempirler. Mystan kempirlerdiń árqaısysynyń basynda bir – bir úı bar.
Sabaqty aıaqtaı otyryp, Mystan kempir men balalar bı bılep, sabaqty qorytyndylaý.