InfoHub Logo

Taqyryby: Qustar - bizdiń dosymyz
Maqsaty: 1. Qustar tirshiligi týraly túsinik berý;
2. Adamgershilik, eńbeksúıgishtik qasıetterge tárbıeleı otyryp, yntymaqty bolýǵa, qorshaǵan ortany qorǵaýǵa tárbıeleý.
3. Oqýshylardyń oı órisin damytý. Ózdiginen qorytyndy shyǵarýǵa, izdenýge mashyqtandyrý.
Kórnekiligi: Qustardyń sýreti, plakattar, úntaspa slaıd, qanatty sózder.

Sabaqtyń barysy:
Kirispe sóz:
Sálemetsizder me qurmetti qonaqtar!
«Qustar bizdiń dosymyz» atty tárbıe saǵatymyzǵa qosh keldińizder. Men barshańyzdy kóktem merekesimen quttyqtaımyn! Bul mereke tabıǵattyń qysqy uıqydan oıatýyn tanytatyn kishkentaı ǵana tabıǵattyń bir bóligi, kóktem jarshysy qus merekesi.
1 - sáýir – Halyqaralyq qustar kúni. Bul kún sonaý1906 jyldan, qustardy qorǵaý týraly Halyqaralyq konvensıada jarıalaǵannan beri atalyp keledi.

Bizdiń elimiz qustarǵa baı. Sondyqtanda biz olardy qorǵap paıdalana bilýimiz kerek. Qustardyń eti tamaq bolsa, mamyq qaýyrsyny kıim, kórpe jastyq bolady. Endi biraz qustar orman, jer zıankesterimen qorektenip aýylsharýashylyǵyna paıdasyn tıgizedi. Al qustardyń estetıkalyq máni ózaldyna bir tóbe. Talaı sazger qustardyń únin áýenge qossa, talaı aqyndar qustar týraly tamasha jyrlar jazǵan. Qustardyń ushý zańdylyǵyn alǵash ret Leonardo da Vınchı zerttegen eken. Sodan beri kóptegen avıakonstrýktorlar qustardy negizge alyp, talaı ushaqtar jasa shyǵardy emes pe?!
Elimizdiń kók baıraǵynda da qyran qus qalyqtaıdy. Astana tórindegi «Báıterek» samuryq qus pen alyp jumyrtqa da quspen baılanysty.
Qustar týraly aıtar áńgime kóp. Dál qazir qustar týǵan jerine jyly jaqtan ushyp kelýde. Qanatty dostarymyzdy qurmetpen qarsy alaıyq. Án: Qustar qaıtyp barady»
1 - júrgizýshi: Sálemetsizder me, qurmetti qonaqtar, dostar! Sizderdi búgingi «Qustar - bizdiń dosymyz» atty tárbıe sabaǵymyzdy tamashalaýǵa shaqyramyz.

2 - júrgizýshi: Tabıǵatty quraıtyn bólikterdiń biri - qustar. Halyq ejelden – aq qustarǵa áýes olarǵa súıispenshiligin sheksiz dáriptep, eń jaqsy kóretin adamdy qusqa teńeý arqyly ol yqylasyn kópke aıan etedi. Halyq óz ortasynan sańlaq uldaryn suńqarǵa teńese, tógilte án shyrqaıtyn ánshisin bulbulǵa, el úshin, Otan úshin janyn qıatyn batyrlaryn - qyranǵa, elden asqan sulýdy - aqqýǵa teńeıdi.

1 - júrgizýshi: Qus tabıǵat baılyǵy. Baılyqtyń kózi – qustardy árkez qorǵaı bilý kerek. Olar tabıǵat baılyǵyn aǵashtardy, ósimdikterdi zıandy jándikterden tazartady. Sonda aǵashtar jaıqalyp ósedi. Jer betinde 8600 - ge jýyq qustardyń túri bar. Bizdiń Respýblıkamyzda 474 qustyń túri bar eken.
«Kóktem válsi» áýenimen bılep «Kóktem» keledi.
Sálem dostar, aman ba?
Mynaý beıbit zamanda.
«Qus - kóktem jyrshysy»
Án salamyn qus únimen,
Sándenemin nur gúlimen.
Qýantaıyn bárińdi. Qus mereke kúnimen.
2 - júrgizýshi: «Kóktem jyry» oqıtyn 4 - synyp oqýshysy ----------
1 - júrgizýshi: «Kóktem válsi» áni oryndaıtyn 2 - synyp oqýshysy----------------

Kóktem: Al qurmetti, halaıyq
Merekeni bastaıyq.
Jumbaq sheshimin tapsańdar,
Qustardy qarsy alaıyq.
Jumbaq:
Ushsa oqtaı zýlaıdy.
Kóktem juldyz aqqandaı. (Qarlyǵash)

Qarlyǵash ushyp kelip:
Men adamnyń dosymyn,
Mekeninde turamyn.
Shybyn kelse kásibim,
Ustap jeımin qyramyn.

Tazalaımyn úı ishin,
Shybyn degen keselden
El aýzynda maqtaýly
Sanıtarmyn tóselgen.

2 - júrgizýshi: Qarlyǵash qusymyz ------------------------- oryndaýynda
Án: « Qos qarlyǵash»
Kóktem: Meniń jasyrǵan jumbaǵymdy tyńdańyzdar!
Ormanda joǵary
Aǵashqa qonady.
Tumsyǵyn balǵa ǵyp
Toq - toq soǵady. (Toqyldaq)

Toqyldaq: - Balalar, men orman qusymyn, ózimniń balǵa tumsyǵymmen aǵash qabyǵynyń arasynan zıankesterdi taýyp qurtamyn.
Orman ishi soqyldap,
Urdy aǵashta toqyldaq
Jańǵyryqty túnimen.
Tumsyǵynyń túbimen.