InfoHub Logo

Taqyryby: Qustyń uıasy
Bilim berý salasy: Tanym.
Uıymdastyrylǵan oqý is - áreket túri: Qurastyrý.
Maqsaty: Balalardy qurylys materıaldarynyń negizgi túrlerimen tanystyrý jáne qarapaıym qurastyrý iskerlikterin damytý. Balalardyń oılaý qabiletin damytý arqyly qustyń uıasyn qurastyra bilýge úıretý. Balalardy uıymshyldyqqa, birlesip eńbek nátıjesine jetýge tárbıeleý.
Qoldanylǵan materıaldar: Kórnekilik sýretter, úıshikti qurastyrý úshin
kýbıkter, qustyń uıasynyń maketi.
Dıdaktıkalyq oıyndar úshin qustyń beınesi salynǵan sýret qıyndylary, qustyń uıasyn qurastyrýǵa arnalǵan geometrıalyq pishinder.

Sabaq barysy:
Shattyq sheńberi: «Sálem» deımin kúnge men,
«Sálem» deımin men saǵan.
«Sálem» deımin apaıǵa,
Qonaqtarǵa, qustarǵa!
Tárbıeshi: - Balalar, qazir qaı mezgil?
Balalar: - Kóktem mezgili.
Tárbıeshi: - Durys aıtasyńdar. Al, kóktemde aınalamyzda, tabıǵatta qandaı ózgerister bolady?
Balalar: - Kún jylynady, qar erip ketedi. Shópter, gúlder shyǵady. Aǵashtar búrshik jarady. Qustar jyly jaqtan ushyp keledi.
Tárbıeshi: - Jaraısyńdar balalar, durys aıtasyńdar. Jyly jaqtan ushyp kelgen qustardyń biri byltyrdan qalǵan uıasyn durystasa, al endi biri jańadan uıa jasaıdy.
Balalar, esterińde bolsa biz qysta jerdiń betin qar jaýyp tastaǵan kezde,
qustarǵa qamqorlyq jasaý kerek ekendigi týraly aıtqan bolatynbyz. Iaǵnı,
olarǵa uıa jasap, jem shashý kerek ekendigin sóz etkenbiz. Sol kezde biz qandaı taqpaq jattap edik? Esimizge túsireıikshi.
Balalar: Torǵaı, torǵaı, torǵaısyń,
Jaqyn kelip qonǵaısyń.
Jem shashaıyn terip al,
Sonda aıazǵa tońbaısyń.
Tárbıeshi: - Durys balalar jáne sol kezde mine mynadaı (daıyn qustyń uıasyn kórsetedi) qustyń uıasyn jasaý kerektigin aıtqanbyz, solaı ma?
Balalar: - Iá, bilemiz.
Tárbıeshi: - Mine qustardyń biri osyndaı daıyn uıalarǵa qonystanady. Al,
endi biri aǵash butalarynyń arasyna usaq aǵashtardan órip ózderi uıa jasaıdy (órip jasalǵan uıanyń maketin kórsetedi). Olar osy uıalaryna jumyrtqalaryn salyp basady. Keıin balapandary shyqqan soń, osy uıada óskenshe turady. Balapandary ósip, qanattary qataıǵannan keıin olar ushyp ketedi. Mine osylaı jylda qaıtalanyp otyrady. Endi biz sabaǵymyzǵa baılanysty
osy qustardyń uıasyn jasap kóreıik.
Tárbıeshiniń kómegimen balalar kýbıkterden qustyń uıasyn qurastyrady.
Tárbıeshi balalardyń árqaısysynyń ózinshe úles qosýyn qadaǵalaıdy. Uıany birigip jasaǵandyqtan tez jasalǵandyǵyn eskertedi. Tárbıeshi osylaı
balalarǵa uıymshyldyqtyń nátıjesin kórsetip otyrady. Daıyn bolǵan uıany balalarmen birge qorytyndylap, baǵa berip, maqtaý aıtady.
D/o: Geometrıalyq pishinderden uıa qurastyrý.
Tárbıeshi: - Balalar, endi uıany geometrıalyq pishinderdi paıdalana otyryp qurastyryp kóreıikshi.
Balalar sopaqsha tik tórtburyshtyń ústińgi jaǵyna úshburyshty ornalastyrady da, tiktórtburyshtyń ortasyna dóńgelekti qoıady.
Tárbıeshi: - Bizde uıanyń túr - túri bar. Endi biz qaǵazdan qustyń beınesin qurastyryp kóremiz ba?

«Shuǵyla» bóbekjaı – balabaqshasy tárbıeshisi Tasqojına K. A.
Qustyń uıasy júkteý