InfoHub Logo

Bilim berý salasy: Tanym.
Uıymdastyrylǵan oqý - qyzmeti: Qarapaıym matematıkalyq túsinikterdi qalyptastyrý.
Taqyryby: Geometrıalyq pishinder.
Maqsaty: Oıyndar arqyly zattardyń tústeri men geometrıalyq pishinder týraly bilimderin pysyqtap, pishinderdi bir - birinen ajyratyp ataı bilýge úıretý, qıal boljamdaryn damytyp, qabiletterin shyńdaý. Qarapaıym matematıkalyq uǵymdaryn bekitý. Oılaý qabiletin, kórip taný, zeıinin, este saqtaý qabiletterin oıyn arqyly damytý.
Ádis - tásilderi: túsindirý, suraq - jaýap, áńgimeleý, damytýshy oıyndar.
Qoldanylatyn kórneki quraldar: geometrıalyq pishinder, túrli - tústi sharlar, tıisti sýretter, slaıd.

Motıvasıalyq - qozǵaýshylyq Qaıyrly tań balalar!
Sender búgingi matematıka oqý - qyzmetine qandaı jaıdarly, qýanyshty, aqjarqyn bolyp kelgensińder!
- Balalar, búgingi bizdiń oqý - qyzmetimiz erekshe, óıtkeni bizge qonaqtar kelip otyr, barlyǵymyz burylyp amandasyp shyǵaıyq.
- Sálemetsizder me, qonaqtar! Káne barlyǵymyz birge amandasaıyq.
Shattyq sheńberi:
Armysyń aspan álemi,
Armysyń meıirimdi Jer - ana.
Armysyń meniń dostarym,
Sálem berdik sizderge!
Kúndeı jadyrap,
Juldyzdaı jarqyrap.
Sýdaı móldir taza kóńilmen,
Búgingi kúnimizdi bastaıyq.
- Búgin bizge sıqyrly hat kelipti, sol hattyń ishin - de senderge arnalǵan tapsyrmalar bar eken, balalar tapsyrmalardy oryndaısyńdar ma, daıynsyńdar ma?

Uıymdastyrýshylyq - izdenýshi
1 - tapsyrma.
- Balalar biletin geometrıalyq pishinderdi esterimizge túsireıik. Qandaı pishinderdi bilesińder?
- Pishinderdi kezek - kezek taqtaǵa
ilip, olardy durys ataý:
- Bul geometrıalyq pishin qalaı atalady? (dóńgelekti kórsetip).
- Dóńgelekke dop, tárelke uqsaıdy ma? (sýretterin ilip kórsetý, túsindirý)
- Bul geometrıalyq pishin qalaı atalady? (úshburyshty kórsetip)
- Úshburyshqa ne uqsaıdy? (taýdyń, qaıyqtyń jelkeni, úıdiń shatyrynyń sýretterin ilip), olar úshburyshqa uqsaıdy ma?
- Bul geometrıalyq pishin qalaı atalady? (sopaqshany kórsetip)
- Sopaqshaǵa ne uqsaıdy? (qaýynnyń, jumyrtqanyń sýretterin ilip), olar sopaqshaǵa uqsaıdy ma?
- Bul geometrıalyq pishin qalaı atalady? (tórtburyshty kórsetip)
- Tórtburyshqa ne uqsaıdy? (teledıdardyń, kóp - qabatty úıdiń, terezeniń sýretterin ilip) olar tórtburyshqa uqsaıdy ma?
Dıdaktıkalyq oıyn «Salystyrý».
Sýrette berilgen jemisterdi sanaý arqyly qaısysy kóp, qaısysy az ekenin tańba arqyly belgileý.

2 - tapsyrma.
Túrli – tústi qıylǵan dóńgelek qaǵazdardy tústeri boıynsha tıisti ydystarǵa sal (qyzyl tústi dóńgelekti - qyzyl ydysqa, sary tústi dóńgelekti - sary ydysqa, t.s.s.)
Geometrıalyq pishinder júkteý