tengrinews.kz
Qyrǵyzstanda "Vazelın" laqap atymen tanymal tulǵa ustaldy
Qyrǵyzstanda Bishkek qalasy boıynsha Ulttyq qaýipsizdik memlekettik komıteti (UQKB) basqarmasynyń burynǵy basshysy Eldar Jakypbekovtiń jaqyn serigi, "Vazelın" laqap atymen tanymal tulǵa ustaldy. Bul týraly jergilikti BAQ-qa silteme jasap 24.kg habarlady.
Qyrǵyzstan İshki ister mınıstrliginiń bas basqarmasynyń qyzmetkerleri Chúı oblysy boıynsha UQKB tergeýshisin ustaǵan. Onyń aty-jóni – Ulan. Ol Eldar Jakypbekovtiń senimdi serigi sanalǵan.
Ustalǵan tulǵanyń ne úshin kúdikke ilikkeni ázirge naqtylanbaǵan. Alaıda, bul jaǵdaı Qyrǵyzstandaǵy sońǵy ýaqyttaǵy iri kadrlyq ózgerister men saıası tartystar aıasynda oryn alyp otyr.
Esterińizge sala keteıik, buǵan deıin, 15 aqpanda Bishkek qalasy boıynsha UQKB bas basqarmasynyń burynǵy bastyǵy Eldar Jakypbekov ustalyp, ýaqytsha tergeý ızolátoryna qamalǵan bolatyn. Onyń isimen Áskerı prokýratýra aınalysýda.
Buǵan qosa, sońǵy aptalarda Qyrǵyzstanda birqatar joǵary laýazymdy tulǵalar qyzmetinen bosatyldy. Solardyń qatarynda Ulttyq qaýipsizdik memlekettik komıtetiniń tóraǵasy qyzmetinen bosatylǵan Kamchybek Tashıev te bar. Onyń jaqyn aınalasyndaǵylar prezıdent saılaýyn qaıta ótkizýge yqpal etýge tyrysqany týraly aqparat taraǵan.
-
Qazaqstan Respýblıkasynyń Eńbek jáne halyqty áleýmettik qorǵaý mınıstrligi 2030 jylǵa deıingi kezeńge arnalǵan zeınetaqy tólemderiniń boljamdy mólsherin jarıalady. Mınımaldy zeınetaqy men bazalyq zeınetaqy tólemderiniń ósýi qandaı bolady?
-
Qazaqstandyq "Kýrsıv" basylymy Freedom Holding kompanıasy men onyń negizin qalaýshy Tımýr Turlovqa qarsy 7 jyl boıy júrgizilip jatqan aqparattyq shabýyldyń aýqymy men shyǵynyn taldady. Shabýyldyń jalpy quny 20 mıllıon dollardan asýy múmkin.
