InfoHub Logo

Qazaqstandyq mánerlep syrǵanaýshy Mıhaıl Shaıdorov 2026 jylǵy Italıada ótken qysqy Olımpıada oıyndarynda altyn medal ıelengennen keıin, Dımash Qudaıbergenniń beınequttyqtaýyna qatysty pikirin bildirdi. Bul týraly «24KZ» telearnasyndaǵy eksklúzıvti suhbatynda aıtyldy.

Sportshy Dımash Qudaıbergenniń quttyqtaýyna jáne onyń mýzykasyna alǵysyn bildirdi. «Dımashqa tek quttyqtaǵany jáne jasaıtyn mýzykasy úshin sheksiz rızamyn. Bul – erekshe maqtanysh», - dedi Shaıdorov.

Mánerlep syrǵanaýshy birneshe jyl buryn Dımashtyń ánin estigende, Olımpıada oıyndarynda sol ánmen óner kórsetýdi armandaǵanyn moıyndady. «Men tipti Dımashtyń ánimen Olımpıada altynyn alatynymdy elestete almadym. Biraq men úshin osy ándi tańdaý úlken maqsat boldy. Shamamen 5-6 jyl buryn onyń ánin estip, Mılandaǵy Olımpıadaǵa baratynymdy jáne dál osy ánmen óner kórsetetinimdi bildim», - dep bólisti Shaıdorov.

Onyń aıtýynsha, búkil maýsym boıy, ásirese Olımpıadaǵa arnalǵan baǵdarlamadaǵy mýzyka tańdaýyna qatysty qysym bolǵan. «Men oǵan mán bermeýge tyrystym, sebebi men tek osy mýzykamen óner kórsetkim keldi. Men úshin eń bastysy osy edi», - dep atap ótti olımpıada chempıony.

Buǵan deıin álemge tanymal qazaqstandyq ánshi Dımash Qudaıbergen mánerlep syrǵanaýshy Mıhaıl Shaıdorovty Olımpıada altynymen quttyqtap, oǵan avtomobıl syılaýǵa ýáde bergen bolatyn.