InfoHub Logo

Almatyda Jańa adamdar qyzdar sherýin ótkizdi. Aksıa qatysýshylary «Meniń daýysym – meniń kúshim» dep, azamattardy el bolashaǵyna qatysty sheshim qabyldaýǵa belsendi qatysýǵa shaqyrdy. Belsendi qyzdardyń sherýin daýylpazdar rıtmi súıemeldep, aksıanyń kórneki ári dybystyq sımvolyna aınaldy. Bul rıtm qazaqstandyqtardy azamattyq belsendilik tanytyp, 15 naýryzda ótetin jańartylǵan Konstıtýsıa boıynsha referendýmǵa qatysýǵa úndedi. 

Aksıa Halyqaralyq áıelder kúnine oraı uıymdastyrylyp, azamattyq daýystyń mańyzyn eske saldy. Belsendilerdiń aıtýynsha, tarıhta áıelderdiń qoǵamdyq belsendiligi kóptegen elderde azamattyq quqyqtardyń keńeıýine yqpal etken mańyzdy faktorlardyń biri boldy. Bul mysal azamattardyń belsendi ustanymy qoǵamdaǵy ózgeristerge áser etip, onyń damýyna yqpal ete alatynyn kórsetedi. 

Sherýge qatysqan belsendi qyzdar 2022 jylǵy referendýmnan keıin Qazaqstan jańa damý baǵdaryn — Ádiletti Qazaqstan baǵytyn bekitkenin atap ótti. Osy ýaqyt ishinde Zań men Tártip qaǵıdattaryna, jaýapkershilikke, adamǵa qurmetke, turmystyq zorlyq-zombylyqpen kúreske jáne azamattardyń quqyqtaryn qorǵaýǵa degen nazar kúsheıdi. Qoǵam talapshyl bolyp, qoǵamdyq máselelerdi talqylaý men sheshýge belsendi qatysa bastady. 

Asel Badenova, Jańa adamdar qozǵalysynyń kóshbasshysy: 

«Búgin Jańa adamdardyń qyzdary azamattyq daýystyń kúshi men mańyzyn eske salyp, barlyq qazaqstandyqtardy referendýmǵa qatysý quqyǵyn paıdalanýǵa shaqyrady. Búgin daýylpazdar el tańdaǵan ózgerister rıtminde soǵylady. Eldiń bolashaǵy ózdiginen týyndamaıdy, ony óz memleketiniń taǵdyryna jaýapkershilik alyp, belsendi qatysatyn adamdar qurady». 

Sherý Zań men Tártipti saqtaý aıasynda qala syrtynda ótkizildi.