tengrinews.kz
Reseıde qazaqstandyqtar qatysqan jappaı tóbeles: Syrtqy ister mınıstrligi qamaýlar týraly habarlady
Reseıdiń Lenıngrad oblysyndaǵy Ýst-Lýga kentinde qazaqstandyqtar qatysqan jappaı tóbeles boıynsha Qazaqstannyń Syrtqy ister mınıstrligi jańa málimetterdi jarıalady. Bul týraly Infohub.kz aqparat agenttigi habarlaıdy.
Qazaqstannyń Sankt-Peterbýrgtegi Bas konsýldyǵynyń qyzmetkerleri 28 naýryzda Ýst-Lýgada vahtalyq kentte jumys isteıtin qazaqstandyqtarmen, sonyń ishinde turmystyq janjaldan keıin qamaýǵa alynǵandarmen kezdesýler ótkizdi.
Bastapqyda tártipsizdikterge birneshe júzdegen adam qatysqany belgili boldy. Oqıǵadan keıin birden 30-dan astam adam (birqatar elderdiń azamattary) qamaýǵa alyndy. Alǵashqy tergeý áreketterinen keıin qamalǵandardyń kópshiligi bosatyldy.
Qamaýlar men tergeý
Syrtqy ister mınıstrliginiń habarlaýynsha, birqatar tulǵalar, sonyń ishinde Qazaqstan azamattaryna qatysty 10 táýlikke ákimshilik qamaqqa alý týraly sot sheshimderi shyǵarylǵan. Taǵy úsh QR azamaty tergeýde qalyp otyr. Qazaqstan azamattary arasynda zardap shekkender nemese emdeýdi qajet etetinder joq. Barlyq qazaqstandyq azamattarǵa qajetti konsýldyq-quqyqtyq kómek kórsetilýde.
Sondaı-aq, vahtalyq kentte kásiporyn jumysshylarynyń (ýchaske jumysshylary men prorabtar), RF quqyq qorǵaý organdarynyń, jumys berýshi kompanıanyń jáne kúzet agenttiginiń ókilderi qatysqan kezdesý ótti. Kezdesýde bolǵan jaǵdaı jáne mundaı oqıǵalardyń qaıtalanýyn boldyrmaý sharalary konstrýktıvti túrde talqylandy.
Qazirgi ýaqytta vahtalyq kentte jaǵdaı turaqty. Oqıǵaǵa qatysqan barlyq taraptarǵa qatysty tergeý áreketteri jalǵasýda, nátıjesi boıynsha barlyq qatysýshylardyń áreketterine quqyqtyq baǵa beriledi.
Oqıǵanyń mán-jaıy
Threads jelisindegi jazbalarǵa sáıkes, oqıǵa Ýst-Lýga kentindegi vahtalyq qalashyq aýmaǵynda bolǵan. Vıdeoda adamdar toby kórinedi, olardyń arasyna bir kezde avtokólik úlken jyldamdyqpen kirip ketedi.
Pikirlerde paıdalanýshylardyń biri qazaqstandyqtardyń jergilikti kúzetshilermen janjal shyǵarǵany týraly nusqany usyndy. Sondaı-aq, kásiporyn kúzetiniń adamdardy kúshtep kólikke otyrǵyzyp jatqany kórsetilgen ekinshi vıdeo da paıda boldy.
-
Rossııskıı parlamentarıı Adam Delımhanov prokommentıroval ınsıdent s ýchastıem grajdan Kazahstana, podcherknýv drýjeskıe otnoshenıa mejdý narodamı.
-
30 naýryz, seısenbi kúni Qazaqstannyń kóptegen óńirlerinde jaýyn-shashynsyz aýa raıy kútiledi. Degenmen, ońtústik pen ońtústik-shyǵysta termometr baǵany +29 gradýsqa deıin kóteriledi.
