InfoHub Logo

Reseıdiń Tatarstan aımaǵyndaǵy dron shabýylyna baılanysty áýe keńistiginiń jabylýy saldarynan Antaládan Qazanǵa ushqan reıs Atyraýǵa baǵyttaldy. Alaıda, jolaýshylar ushaqtan túsip, áýejaı termınalyna kire almaı, birneshe saǵat boıy ushaq ishinde kútýge májbúr boldy.

Bul týraly Infohub.kz aqparat agenttigi habarlaıdy.

Reseılik BAQ-tyń habarlaýynsha, oqıǵa túnde bolǵan. Tatarstan aýmaǵynda «Zymyran qaýpi» rejımi jarıalanyp, Reseı Qorǵanys mınıstrligi respýblıka ústinen birneshe ushqyshsyz apparattyń atyp túsirilgenin málimdegen. Osy jaǵdaıǵa baılanysty Arendob áýe kompanıasynyń Antalá-Qazan baǵytyndaǵy XC9042 reısi Atyraýǵa shuǵyl qondyrylǵan.

Ushaq ishinde uzaq kútý

Jolaýshylardyń aıtýynsha, ushaq qonǵannan keıin olardy shamamen jeti saǵat boıy ushaq ishinde ustaǵan. Qazaqstandyq qyzmetter jolaýshylardy qabyldaýǵa daıyn bolǵanyna qaramastan, termınalǵa kirýge ruqsat berilmegen. Tek keıinnen ǵana jolaýshylar áýejaı ǵımaratyna kirgizilip, júkterin alǵan.

Qyzmet kórsetýdegi qıyndyqtar

Alaıda, odan ári kómek kórsetilmegenin týrıser aıtyp otyr. Reıs ekıpajynyń mindetti demalysqa jiberilgenine baılanysty ushaq ushýy túnge deıin keıinge shegerilgen. Buǵan qosa, reseılik bank kartalarynyń áýejaıda jumys istemeýi jaǵdaıdy qıyndatqan. Saldarynan keıbir jolaýshylar tamaq pen sýsyn satyp ala almaǵan.

«Alǵa qaraı ne isteıtinimizdi bilmeımiz. Ushý ýaqyty únemi aýysyp otyrady, qonaqúı berilmedi, konsýldyqpen baılanys joq», — dep shaǵymdandy jolaýshylar.

Jarıalanym sátine deıin áýe kompanıasynan resmı túsinikteme berilmegen.