InfoHub Logo

Qazaqstan atty azat elimizdiń táýelsizdigine bıyl 30 jyl. Osy ordaly otyz jyl ishinde elimiz kóptegen qıynshylyqtar men sátti kezeńderdi bastan keshirdi. Bul otyz jyldyq tájirıbe bizge jigerli, shydamdy, bastysy bilimdi bolýdy úıretti. Elimiz jyldan-jylǵa damyp, alasarmas shyńdardy baǵyndyryp keledi. Bizdiń elimizdiń osyndaı belesterdi baǵyndyrýy Elbasymyz N.Á.Nazarbaevtyń «Qazaqstan – 2030» jáne «Qazaqstan – 2050» atty strategıalarynyń arqasynda. «Qazaqstan – 2050» strategıasyn júzege asyrý maqstynda Elbasymyzdyń «Rýhanı jańǵyrý: bolashaqqa baǵdar» maqalasy jarıalandy. Bul maqala el damýynyń jarqyn úlgisi men naqty qadamdaryn kórsetetin batyl sheshimderge qurylǵan qujat. Maqalada sanany jańǵyrtý, ulttyq bolmysymyzdan aırylmaı, kerisinshe ony álemdik qundylyqtarmen úlestirip, qazaq halqynyń saıası-áleýmettik ahýalyn jaqsartý maqsatynda kóterilgen ózekti máselelerdi qamtyǵan.

«Ózge tildiń bárin bil, óz tilińdi qurmette» dep qazaq halqy baıyrǵy zamannan beker aıtpasa kerek. Elbasymyz «Tilderdiń úshtuǵyrlyǵy» baǵdarlamasyn óskeleń jas urpaqty bilimdi, eńbekqor, bolashaǵy jarqyn memleketti damytýda óz úlesin qosatyn, elin súıetin patrıot azamattar tárbıelep shyǵarý maqsatynda usyndy.

Qazaqstannyń bolashaǵy – búgingi óskeleń jas urpaq. Al ol urpaqty tárbıeleıtin, bilim nárimen sýsyndatyp, damýyna úles qosatyn ardaqty ustaz. Men ustaz retinde oqýshylarǵa eń aldymen rýhanı bilim – adamgershilikke, odan keıin sapaly bilim berýge umtylamyn. Álıhan Bókeıhanov aıtqandaı «Ultyna, jurtyna qyzmet etý – bilimnen emes, minezden», minezdi, adamgershiligi mol urpaq Qazaqstannyń bolashaǵy. Ustazdar qaýymyna qazirgi tańda zamanaýı tehnologıalardy qoldanyp, túrli ádis-tásilderdi jetik meńgerip, oqýshylardy olımpıada jáne jobalarǵa daıyndap, jan-jaqty aqparat pen sapaly bilim berýge barlyq jaǵdaı jasalǵan.

Rýhanı jańǵyrý jolyndaǵy ustazdyń atqarar róli orasan zor. Oqýshylardyń sana sezmin jańǵyrtý, básekege qabiletti bilimdi urpaq tárbıeleý, ulttyq sana sezimniń jetilýine úles qosa alatyn, salt-dástúrin dáripteıtin, ultjandy, patrıot tárbıeleý ustazdyń eń basty mindetteri. Osy qundylyqtardy ár jas urpaqtyń boıyna sińirý arqyly elimiz bolashaqta damyǵan 30 eldiń qataryna kireri sózsiz. «Halyqtyń kemeline kelip órkendep ósý úshin eń aldymen azattyq pen bilim qajet» - dep Shoqan Ýalıhanov aıtqandaı, XXI ǵasyrda azattyq pen bilim árqashanda  birinshi orynda. Bilim – ol jabyq esikti ashatyn kilt, al bilimdi bolýǵa septigin tıgizetin, jastardy damytatyn – rýhanı jańǵyrý.

Búgingi qoǵamdaǵy ustazdyń róli – shákirtine ǵylym negizderin ǵana úıretip qoımaı, dúnıejúzilik bilim, aqparat, saıasat keńistigine shyǵýǵa, báseke jaǵdaıynda óz ustanymdarynan aınymaı ómir súrýge tárbıeleý kerek. Uly aǵylshyn aǵartýshysy Ýılám Ýord «Jaı muǵalim habarlaıdy, jaqsy muǵalim túsindiredi, keremet muǵalim kórsetedi, uly muǵalim shabyttandyrady» deıdi. Bilim alýǵa qushtar jandy shabyttandyrý naǵyz, uly ustazdyń ǵana qolynan keletin is. Ol shákirtiniń júregine jol taýyp, pánine qyzyqtyrarlyq jol izdep, óziniń bilimin únemi jetildirip, jańa tehnologıalardy paıdalanady. Sebebi oqýshydan tereń bilim men eńbekqorlyqty talap etý úshin, ustazdyń ózi sol qasıetterdi ıemdenip, úlgi bola bilý kerek.

Muǵalim búgingi qoǵamda qozǵaltqysh kúsh rólin atqarady. Sebebi, jas urpaqtyń tárbıesine, jańa ozyq tehnologıalardyń damýyna, el saıasatyna, qoǵamnyń damyp qalyptasýyna muǵalimder eleýli úles qosýda.  Ǵasyrlar boıy qalyptasqan rýhanı qundylyqtarymyzdy umytpaı, jas urpaqtyń boıyna ıgi qasıetterdi sińirý-búgingi ustazdyń basty boryshy. Eń bastysy ustaz adamı qasıeti mol, urpaǵynyń bolashaǵyna jol ashatyn, shýaǵy mol shapaǵat ıesi.

Jańa ǵasyr muǵaliminiń boıynda mynandaı qasıetter bolýy kerek: sergektik, baıqaǵyshtyq, ádildik, ustamdylyq, baısaldylyq, sabyrlyq, tózimdilik. Ustaz árbir oqýshyǵa jeke tulǵa retinde qarap, adal júregin ashyp usynsa, óz isin jan tánimen berilip atqarsa, naǵyz ustaz bolmaq.

Qoryta kelgende, muǵalimniń basty qyzmeti jańa qoǵamǵa saı bilimdi, tárbıeli, kókiregi oıaý, árqashan eline qyzmet etetin patrıot azamatty qalyptastyrý. Elbasymyzdyń «Rýhanı jańǵyrý: bolashaqqa baǵdar» atty baǵdarlamasy memleketimizdiń kórkeıip, damýyna kóp paıdasyn tıgizetini sózsiz jáne ıgi ózgeristerdiń sebepkeri ataný úshin pedagog retinde aıanbaı eńbek etý mindetimiz.

---